پونہ : 25/ستمبر (نعیم شیخ): مرکزی تعلیمی بورڈ مہاراشٹرا کے زیر اہتمام اور آئی آئی ایس ای آر (انڈین انسٹی ٹیوٹ آف سائنس ایجوکیشن اینڈ ریسرچ) کے اشتراک سے تین روزہ “ریاضی و سائنس ورکشاپ” اسلامی انفارمیشن سنٹر، کونڈھوا پونہ میں کامیابی کے ساتھ منعقد ہوا۔
ورکشاپ کا افتتاح بورڈ کے سیکرٹری سید تنویر صاحب، سرپرست مولانا الیاس فلاحی صاحب، چیئرمین جناب عزیز محی الدین صاحب، ناظم شہر پونہ تجمل صاحب اور آئی آر آئی ایس ای کی ٹیم کی موجودگی میں ہوا۔ افتتاحی تقریب میں مقررین نے اساتذہ کو جدید سائنسی تدریسی طریقوں سے آراستہ کرنے کی ضرورت پر زور دیا۔
اس ورکشاپ میں مہاراشٹرا کے 15 اضلاع سے 65 اساتذہ (40 مرد اور 25 خواتین) شریک ہوئے۔ کیمپ ریسورس پرسنز نے شرکاء کو ریاضی اور سائنس کے جدید تدریسی تصورات، پروجیکٹ بیسڈ لرننگ اور عملی سرگرمیوں کے ذریعے تربیت دی۔
اختتامی دن اساتذہ کو آئی آئی ایس ای آر کے فیلڈ ٹرپ پر لے جایا گیا جہاں سائنس لیبز اور ڈیموسٹریشن کے ذریعے عملی مشق کرائی گئی۔ اس کامیاب ورکشاپ میں جمیل سر (اقراء بوائز اسکول، اورنگ آباد)، سہاس سر (جالنہ)، راجا پٹیل سر (ناندیڑ)، زاہدہ شیخ اور پللوی میڈم (ٹیکنیکل آفیسرز، آئی آئی ایس ای آر) سمیت کئی ریسورس پرسنز نے اہم کردار ادا کیا۔
اس تین روزہ ورکشاپ کی کارروائی پر شرکاء میں غیر محسوس طور مشاہدہ کے لئے ایک تین رکنی کمیٹی قائم کی گئی تھی جنہوں نے شرکا ورکشاپ کا باریک بینی سے جائزہ لیا اور دو اساتذہ کو بیسٹ پارٹی سیپنٹ کے ایوارڈ سے نوازا۔ جس میں جامعتہ الہدیٰ مالیگاؤں سے انصاری نظیف احمد اور پونہ کالج سے شیخ اسماء عبدالعزیز
کو بیسٹ پارٹی سیپنٹ ٹرافی سے نوازا گیا۔ مرکزی تعلیمی بورڈ کے اس اقدام کو تدریسی میدان میں ایک نمایاں پیش رفت قرار دیا جا رہا ہے جو اساتذہ کو جدید سائنسی تدریس سے جوڑنے کا ذریعہ بنے گا۔
