27.1 C
Delhi
October 20, 2025
Hamari Duniya
Breaking News قومی خبریں

سابق وزیراعظم راجیوگاندھی کے تمام قاتلوں کو رہا کردیا گیا، یہ ہے اصل وجہ

Rajiv Gandhi- Murder case

نئی دہلی۔ سپریم کورٹ نے سابق وزیر اعظم راجیو گاندھی کے قتل کیس میں عمر قید کی سزا کاٹ رہے نلنی اور آر پی روی چندرن سمیت چھ مجرموں کو رہا کرنے کی ہدایت دی ہے۔ عدالت نے یہ حکم 30 سال سے زیادہ جیل میں رہنے کی وجہ بتاتے ہوئے دیا ہے۔ اس سے قبل عدالت نے اسی بنیاد پر اس معاملے میں مجرم پیراریولن کو بھی رہا کیا تھا۔

تمل ناڈو حکومت نے 13 اکتوبر کو سابق وزیر اعظم راجیو گاندھی کے قتل کے مجرم نلنی اور پی روی چندرن کی رہائی کی حمایت کی تھی۔ تمل ناڈو حکومت نے سپریم کورٹ میں داخل کردہ حلف نامہ میں یہ باتیں کہی تھیں۔ 26 ستمبر کو سپریم کورٹ نے مرکز اور تمل ناڈو حکومت کو نوٹس جاری کرتے ہوئے نلنی اور پی روی چندرن کی رہائی کا مطالبہ کیا تھا۔ دونوں فی الحال 30 سال سے زیادہ جیل میں گزارنے کے بعد صحت کی بنیاد پر پیرول پر ہیں۔
نلنی نے مدراس ہائی کورٹ کے فیصلے کو چیلنج کیا۔ مدراس ہائی کورٹ میں عرضی داخل کرتے ہوئے نلنی نے کہا تھا کہ ریاستی حکومت نے ان کی رہائی کی سفارش کی تھی۔ لیکن گورنر نے اس سفارش کو قبول نہ کرکے غیر آئینی کام کیا ہے۔ نلنی نے مطالبہ کیا تھا کہ عدالت ریاستی حکومت کو گورنر کی اجازت کے بغیر اسے رہا کرنے کا حکم دے۔

Related posts

جامعہ ملیہ اسلامیہ کے طلبہ نے نیشنل آرکائیوز آف انڈیا، آئی آئی ٹی دہلی لائبریری اور جے این یو لائبریری کا دورہ کیا

Hamari Duniya

مسلسل ناکام ہورہی ہیں فلمیں اب کیا کریں گے مسٹر کھلاڑی؟

Hamari Duniya

الہ آباد ہائی کورٹ لکھنؤ بنچ نے شراوستی کے سیل مدرسوں کو کھولنے کا حکم دیا

Hamari Duniya