سبھی ضلع صدر ہر ماہ کی پانچ تاریخ کو اپنے ضلع میں میٹنگ کا انعقاد کریں گے جس میں سبھی بلاک صدر اور ضلع کے عہدداران کا شامل ہونا لازمی ہے: چودھری زبیر احمد
نئی دہلی :3جولائی (ایچ ڈی نیوز)۔
دہلی کانگریس کا سب سے مضبوط ضلع بابر پور میں آئندہ الیکشن کی تیاری کو لیکر میٹنگوں کا سلسلہ جاری ہے جس کے تحت آج ضلع کے 18 بلاک صدور نے اپنے اپنے آفس پر میٹنگ کا انعقاد کیا جس میں کانگریس پارٹی کے سینئر لیڈر چودھری متین احمد ، ویر سنگھ ڈھنگان ، بابر پور ضلع صدر چودھری زبیر احمد، جتیندر بگھیل ،وکاس جھکارا ، چودھری اجیت سنگھ ، سنیل کمار ، سید ناصر جاوید کے نام قابل ذکر ہیں ۔سیلم پور اسمبلی حلقہ میں ریاض الدین راجو ، انل شرما ، سرتاج احمد ، ریاست ساحل ، راجندر پردھان نے میٹنگ کی ۔گونڈہ اسمبلی حلقہ میں شہزاد خان ، راج کمار شرما ، چودھری ہنس رام ، بابر پور اسمبلی حلقہ میں حاجی ظریف ، سنجے گوڑ ، ڈاکٹر جہانگیر ، چودھری دیو آنند ، نے میٹنگ کی ۔ روہتاش نگر اسمبلی حلقہ میں مکیش پانچال ، کلدیپ بھاٹی ، بھارت کوشک نے میٹنگ کا انعقاد کیا ۔سیما پوری اسمبلی حلقہ میں نوین شرما ، محمد عاقل وائی پائول ، براہمن ڈھیکیا نے میٹنگ کے ذریعہ کانگریس کے پیغام کو لوگوں تک پہنچانے کا عزم لیا ۔
میٹنگ سے خطاب کرتے ہوئے چودھری متین احمد نے کہا کہ جس پارٹی کا بلاک مضبوط ہوگا اس پارٹی کی جیت کو یقینی بنانے میں کوئی دشواری نہیں آتی ۔ انہوں نے کہاکہ میٹنگ کا مقصد ایک منظم طریقہ سے کام کو آگے بڑھانا ہے تاکہ کانگریس پارٹی کی وچار دھارا کو عام لوگوں تک پہنچایا جاسکے ۔ انہوں نے کہاکہ سبز انقلاب سے لیکر آئی ٹی انقلاب تک کانگریس پارٹی نے ہی ملک کی تعمیر و ترقی اہم کردار ادا کیا ہے ۔ اسی لئے ہمیں ایک دوسرے کا ساتھ دیتے ہوئے کانگریس کے کارواں کو مزید مضبوطی دینی ہے ۔ بابر پور ضلع کانگریس کمیٹی کے صد رچودھری زبیر احمد نے کہاکہ ضلع میں 20بلاک آتے ہیں اور آج کی میٹنگوں سے یہ واضح ہو گیا ہے کہ آنے والے دنوں میں آپ سبھی لوگ اپنے اپنے بلاکوں میں تیزی سے کام کریں گے ۔ چونکہ بابر پورضلع کانگریس پارٹی کا سب سے سرگرم اور مضبوط ضلع ہے اور اس ضلع کو ہم سبھی نے رات دن محنت کرکے مضبوط بنایا ہے ۔ انہوں نے کہاکہ دہلی کانگریس صدر یوندر یادو کی ایما پر ہر ماہ کی دو تاریخ کو سبھی بلاک صدر اپنے وارڈمیں میٹنگ منعقد کریں گے ۔تاہم سبھی ضلع صدر ہر ماہ کی پانچ تاریخ کو اپنے ضلع میں میٹنگ کا انعقاد کریں گے جس میں سبھی بلاک صدر اور ضلع کے عہدداران کا شامل ہونا لازمی ہے ۔ ڈیلی گیٹ سید ناصر جاوید نے کہا کہ جب سے دیوندر یادو نے دہلی کانگریس کی کمان سنبھالی ہے تب سے کانگریس پارٹی کو مزید مضبوط بنانے کی سمت میں مسلسل کام کیا جارہاہے اور سبھی لیڈران و کارکنان سے مشورے لئے جا رہے ہیں تاکہ زمینی سطح پر بہتر طریقہ سے کام کیا جاسکے ۔
