دہلی میں کانگریس کی حکومت بننے پر 500 روپے میں ایل پی جی سلنڈر، فری راشن کٹ اور تین سو یونٹ مفت بجلی فراہم کرنے اعلان
ریاستی صدر دفتر راجیوبھون میں تلنگانہ کے وزیراعلیٰ ریونت ریڈی نے کانگریس کے دو گارنٹیوں کا اعلان کیا
نئی دہلی، 16 جنوری (محمدخان)۔ دہلی اسمبلی انتخابات2025کو جیتنے کیلئے تمام سیاسی پارٹیاں جی جان سے لگی ہوئی ہیں۔ اور عوام کو اپنی طرف راغب کرنے کے لئے طرح طرح کے آفر دے رہی ہیں۔اسی سلسلے میںریاستی صدر دفتر راجیوبھون میں کانگریس نے آج اپنی چوتھی اور پانچویں گارنٹی جاری کرکے دہلی کے عوام کے لئے بمپر دھماکہ آفردینے کااعلان کیا ہے۔ کانگریس نے دہلی میں اسمبلی انتخابات میں حکومت بننے کی صورت میں 500 روپے میں ایل پی جی سلنڈر، ایک مفت راشن کٹ اور ہر خاندان کو ہر ماہ 300 یونٹ مفت بجلی فراہم کرنے کا اعلان کیا ہے۔
تلنگانہ کے وزیراعلیٰ ریونت ریڈی، دہلی پردیش کانگریس کے صدر دیویندر یادو ، دہلی میں کانگریس پارٹی کے انچارج قاضی نظام الدین ، معاون انچارج دانش ابرار نے مشترکہ طور پر جمعرات کو یہاں ریاستی کانگریس ہیڈکوارٹر میں منعقدہ ایک پریس کانفرنس میں کئی انتخابی وعدوں کا اعلان کیا۔ تلنگانہ کی مثال دیتے ہوئے دیویندر یادو نے کہا کہ کانگریس نے اسمبلی انتخابات میں عوام سے جو وعدے کئے تھے انہیں وہاں کی حکومت نے 13 ماہ میں پورا کیا۔ یہی وجہ ہے کہ ریونت ریڈی یہاں دہلی کے رائے دہندوں تک اپنے خیالات پہنچانے آئے ہیں۔ دہلی میں کانگریس کی ایک ماہ طویل نیا یاترا پر گفتگو کرتے ہوئے دیویندر یادو نے کہا کہ اس سفر کے دوران انہوں نے دہلی کے کونے کونے سے لوگوں سے بات چیت کی۔ عوام کی طرف سے اٹھائے گئے مسائل کو پورا کرنے کے لیے کانگریس نے اب تک پیاری دیدی اور جیون رکھشا یوجنا جیسی گارنٹیوں کا اعلان کیا ہے اور پوروانچلیوں کے لیے مہاکمبھ کی طرز پر چھٹھ تہوار کا انعقاد کا عودہ کیا ہے۔ دیویندر نے کہا کہ آج ہم سلنڈر، مفت راشن کٹ اور 300 یونٹ مفت بجلی کی ضمانت کا اعلان کر رہے ہیں۔ کانگریس کی ان ضمانتوں کو حکومت کی تشکیل کے بعد کابینہ کی پہلی میٹنگ میں لاگو کیا جائے گا۔
ویڈیو دیکھنے کیلئے کلک کریں
کانگریس کے ریاستی صدر یادو نے کہا کہ اس کی چوتھی ضمانت کے طور پر، کانگریس ہر خاندان کو ہر ماہ 500 روپے میں ایک سلنڈر اور اس کے ساتھ ہر خاندان کو مفت راشن کٹ دے گی۔ اس کٹ میں 5 کلو چاول، 2 کلو چینی، تین لیٹر تیل، 6 کلو دالیں اور 250 گرام چائے کی پتی مفت دی جائے گی۔ مہنگائی کے اس دور میں خواتین کو اپنا کچن چلانا بہت آسان ہو جائے گا۔ انہوں نے کہا کہ پانچویں بڑی ضمانت کے طور پر ہر خاندان کو 300 یونٹ بجلی مفت ملے گی۔ یہ رقم براہ راست صارفین کے بینک اکاو¿نٹ میں منتقل کی جائے گی۔ اے اے پی حکومت کی طرح ڈسکامس کو مالا مال کرنے کے بجائے، ہم صارفین کو براہ راست ریلیف فراہم کریں گے۔
قبل ازیں پریس کانفرنس میں تلنگانہ کے سابق وزیر اعلیٰ ریونت ریڈی نے کہا کہ کانگریس نے تلنگانہ اسمبلی انتخابات میں جو انتخابی وعدے کئے تھے وہ اس نے پہلے 13 مہینوں میں ہی پورے کئے۔ انہوں نے کہا کہ تلنگانہ میں کسانوں کے قرض کی معافی کا مسئلہ بہت بڑا ہے۔ اپنے انتخابی وعدے کو پورا کرتے ہوئے کانگریس نے پہلے سال میں کسانوں کے 21 ہزار کروڑ روپے کے قرضے معاف کر دیے ہیں۔ ایک سال میں 51 ہزار لوگوں کو نوکریاں دیں۔ خواتین کو مفت بس سروس فراہم کی گئی ہے۔ 50 لاکھ خاندانوں کو 500 روپے میں کچن فراہم کیا گیا۔ ہر خاندان کو 200 یونٹ مفت بجلی دیا۔ انہوں نے دعویٰ کیا کہ کانگریس جو بھی وعدے کرتی ہے، انتخابات کے بعد جب حکومت بنتی ہے تو وہ انہیں پورا بھی کرتی ہے۔ تلنگانہ ریاستی حکومت اس کی ایک مثال ہے۔
انہوں نے دہلی کے عوام سے اپیل کی کہ وہ یہاں کانگریس کو کامیاب بنائیں اور اگر حکومت بنتی ہے تو یہاں کے عوام سے کئے گئے انتخابی وعدے بھی پورے کئے جائیں گے۔ انہوں نے شیلا دکشت کے وزیر اعلیٰ کے دور میں دہلی کی ہمہ جہت ترقی پر تبادلہ خیال کیا۔ دہلی میں بجلی کی نجکاری، دہلی کی سڑکوں، فلائی اوور اور میٹرو ریل کی بہتری اور پانی کی فراہمی میں بہتری جیسے اصلاحاتی عمل کو نافذ کرنے کے لیے شیلا حکومت کی تعریف کی۔ انہوں نے کہا کہ اگر دہلی میں تیزی سے ترقی کرنی ہے تو کانگریس پارٹی کو جیتاناچاہئے۔ اس موقع پر اے آئی سی سی دہلی انچارج قاضی نظام الدین اور دیگر عہدیدار بھی موجود تھے۔
