October 21, 2025
Hamari Duniya
بین الاقوامی خبریں

صیہونی یہودیوں کی نمائندگی نہیں کرتے ،تمام زمینی فلسطینی عوام کو واپس کی جائیں، یہودی عالم کا مطالبہ

Israel Aalim

تل ابیب،26اکتوبر:ایک یہودی عالم، استاد اور قانون داں ربی یسروئیل فیلڈمین نے اسرائیل سے تمام زمینیں فلسطینی عوام کو واپس کرنے کا مطالبہ کر دیا۔یہودی مذہبی رہنما ربی یسروئیل فیلڈمین نے ویڈیو پیغام میں کہا ہے کہ صہیونی یہودیوں کی نمائندگی نہیں کرتے، تمام زمینیں فلسطینی عوام کو واپس کی جائیں، بطور یہودی ہم فلسطینی حکومت کے تحت زیادہ محفوظ رہیں گے۔انہوں نے اپنے پیغام میں آسمانی کتاب تورات کا حوالہ دیتے ہوئے کہا کہ یہودی کبھی بھی زمین پر ریاست قائم نہیں کر سکتے، تورات اس سے منع کرتی ہے۔
یہودی مذہبی رہنما ربی یسروئیل فیلڈمین نے مزید کہا کہ صہیونیوں نے آکر تورات کے خلاف اعلانِ جنگ کیا اور تورات کے برعکس مقدس سر زمین پر ایک غیر مذہبی صہیونی ریاست قائم کی۔یہودی مذہبی رہنما کا یہ بھی کہنا ہے کہ ہم چاہتے ہیں کہ صہیونیوں کے قبضے میں لی گئی تمام زمینیں فلسطینی عوام کو واپس کی جائیں۔یہودی مذہبی رہنما ربی یسروئیل فیلڈمین کی یہ ویڈیو سوشل میڈیا پر وائرل بھی ہو رہی ہے۔

Related posts

سعودی عرب میں دنیا کی پہلی تھری ڈی پرنٹنگ ٹیکنالوجی سے تیار گئی مسجد کا افتتاح

Hamari Duniya

شام میں خانہ جنگی کے پیچھے ایران اور حزب اللہ، شامی صدر کا انتباہ

Hamari Duniya

اسرائیلی وزیراعظم نیتن یاہو سنگین بیماری میں مبتلا،جلد ہوگا آپریشن

Hamari Duniya