نئی دہلی ، 19 ستمبر (ایچ ڈی نیوز)۔
کانگریس نے خواتین ریزرویشن بل پر سوال اٹھائے ہیں۔ پارٹی کے راجیہ سبھا ممبر کے سی وینوگوپال نے منگل کو پارلیمنٹ ہاوس کمپلیکس میں میڈیا سے بات کرتے ہوئے کہا کہ خواتین کو جلد ہی اس بل کے فوائد ملنے کی کوئی امید نہیں ہے۔ خواتین کے ریزرویشن کے حوالے سے مودی حکومت کی پالیسی اور ارادے سمجھ سے بالاتر ہیں۔انہوں نے کہا کہ خواتین ریزرویشن بل میں واضح طور پر لکھا ہے کہ خواتین کی ریزرویشن مردم شماری اور حد بندی کے بعد ہی ہو سکتی ہے۔ ایسے میں حکومت کو یہ واضح کرنا چاہئے کہ خواتین اس ریزرویشن کا فائدہ کب تک حاصل کر سکیں گی۔
وینوگوپال نے کہا کہ خواتین کے ریزرویشن کے تحت ایس سی، ایس ٹی کا ریزرویشن ٹھیک ہے لیکن او بی سی بھی ریزرویشن کا انتظار کر رہے ہیں۔ حکومت کب ان کے ساتھ انصاف کرے گی ؟
اسی طرح کا سوال کانگریس کی ترجمان سپریا شرینیت نے بھی اٹھائے ہیں۔ انہوں نے کہا کہ خواتین ریزریوشن بل صرف ایک جملہ ہے۔ انہوں نے کہا کہ بل میں صاف طور پر لکھا ہے کہ خواتین کو ریزرویشن سے پہلے رائے شماری اور پھر ڈلیمیٹیشن ہونا لازمی ہے۔ مطلب 2029 سے پہلے یہ ممکن نہیں ہے۔
