August 31, 2025
Hamari Duniya
دہلی

اردو کے معروف صحافی اور’ہمارا سماج ‘کے مدیرعامر سلیم خان کا انتقال

نئی دہلی ,12دسمبر (ایچ ڈی نیوز )۔

اردو کےمعروف صحافی اور روزنامہ ’ہمارا سماج‘ کے مدیر عامر سلیم خان کا آج انتقال ہو گیا ۔ انہیں گزشتہ چار روز قبل دل کا دورہ پڑنے کے بعد دہلی کے مشہور اسپتال جی بی پنت میں زیر علاج تھے۔اطلاعات کے مطابق دو روز بعد ان کی صحت میں بہتری آ رہی تھی لیکن گزشتہ شب پھر دوبارہ دل کا دورہ پڑا اور جانبر نہ ہو سکے ۔

دوپہر تقریباً ایک بجے ڈاکٹر وں نے ان کے انتقال کی اطلاع دی ۔

قابل ذکر ہے کہ انہیں دو سال قبل میں دل کا دورہ پڑا تھااور علاج جاری تھا۔ مرحوم کے وارثین میں اہلیہ اور تین بیٹے شامل ہیں۔ بڑا بیٹا پندرہ سال کا ہے۔ ایک ماہ قبل مرحوم عامر سلیم خان کے والد کا بھی انتقال ہوا تھا، اور اب ان کے اس دنیا سے چلے جانے پر پورا کنبہ بے حال ہے۔ صحافتی طبقہ میں بھی سینئر صحافی کے انتقال سے غم کی لہر دوڑ گئی ہے۔سوشل میڈیا پر لوگوں کی جانب سے تعزیتوں کا سلسلہ جاری ہے۔عام سلیم خان اردو صحافتی حلقے میں ایک قابل احترام اور سنجیدہ صحافی کی نگاہ سے دیکھے جاتے تھے۔

واضح رہے کہ عامر سلیم خان گزشتہ 20سال سے زائد عرصہ سے دہلی میں اردو صحافتی دنیا میں سر گرم تھے ۔انہوں نے روزنامہ راشٹریہ سہارا میں بطور رپورٹر اپنے کریئر کا اغاز کیا تھا۔پھر روزنامہ ہندوستان ایکسپریس کی شروعات کے بعد اس سے جڑے اور اس کے بنیادی ارکان میں شامل تھے ۔

 

 

Related posts

اتم نگر اسمبلی حلقہ سے کانگریس امیدوار مکیش شرما کومہاپنچایت میں لوگوں کی کھلی حمایت

Hamari Duniya

جمہوریت کی نئی عمارت میں بدھوڑی جیسے زہریلا شخص کے ساتھ کیسے بیٹھو گے،اقلیتوں اور پچھڑوں کی لڑائی کا دم بھرنے والے نیتاؤں سے سابق رکن پارلیمنٹ محمد ادیب کا سوال

Hamari Duniya

بھارت جوڑو یاترا نفرت و بدامنی کا خاتمہ کر کے آٹھ برس پہلے والی پرامن فضا بحال کرے گی :طار ق صدیقی

Hamari Duniya