لکشمی پور،( مہراج گنج)، 20 جولائی(ایچ ڈی نیوز) اترپردیش کے مدارس اسلامیہ اور مکاتب دینیہ پر محکمہ تعلیم کی جانب سے غیر مناسب کاروائی اور ان میں زیر تعلیم طلباء کو بیسک شکچھا پریشد کے اسکولوں میں شفٹنگ کیلئے مجبور کرنے پر جمعیۃ علماء مہراج گنج کے زیر اہتمام ضلعی سطح کی ایک ہنگامی میٹنگ ” مؤرخہ 21 / جولائی2024ء بروز اتوار بوقت صبح دس بجے ” دارالعلوم فیض محمدی ہتھیا گڑھ ، مہراج گنج مےں رکھی گئی تھی۔ مگر مذکورہ میٹنگ جمعیۃ کے جنرل سکریٹری مولانا محی الدین قاسمی ندویؔ کی شدید علالت کے سبب ملتوی کردی گئی ہے ۔اگلی تاریخ کی اطلاع بذریعہ” جمعیۃ علماء گروپ ،، یا اخبارات دے دی جائے گی ۔ مذکورہ اطلاع ضلعی جمعیت کے میڈیا انچار ج مفتی احسان الحق قاسمی نے دی ہے ۔
