26.2 C
Delhi
July 31, 2025
Hamari Duniya
علاقائی خبریں

عید کی خوشی میں ہم اسرائیل کو فلسطینی مسلمانوں کے قتل کیلئے ہتھیار فراہم نہ کریں

Muslims Eid

ذاکر حسین کی مسلمانوں سے عید کے موقع پر کوکا کولا اور پیپسی نہ پینے کی پرزور اپیل

نئی دہلی، 9 اپریل (نامہ نگار)۔ نہتے فلسطینی مسلمانوں کے اسرائیل کے ذریعہ لگاتار قتلِ عام پر سماجی کارکن ذاکر حسین نے اپنے غم و غصے کا اظہار کرتے ہوئے کہا کہ فلسطینی مسلمانوں کے حق میں آواز بلند کرنا ہر مسلمان اور انصاف پسند شہری کا فرض تھا، لیکن اس سنجیدہ مسئلے پر چھائ خاموشی انسانیت کو جھنجھوڑنے کا کام کر رہی ہے۔ذاکر حسین نے عید کے موقع پر وطن عزیز سمیت پوری دنیا کے مسلمانوں اور انصاف پسند طبقے سے ظالم اسرائیل کی مصنوعات(کوکا کولا، پیپسی) جیسی مشروبات پینے سے سخت پرہیز کرنے کی اپیل کی ہے۔ذاکر حسین نے آج میڈیا کیلئے جاری بیان میں کہا کہ عید کے موقع پر ہم مسلمان اسرائیلی پروڈکٹس (کوکا کولا، پیپسی) کا استعمال بہت زیادہ کرتے ہیں۔ لیکن ہمیں علم ہونا چاہئے کہ ہم جو کو کاکولا، پیپسی خرید کر پیتے ہیں، وہ پیسے اسرائیل فلسطین کے مسلمانوں کے قتل میں استعمال کرتا ہے۔لہذا ہم سب کو چاہیے کہ ہم اسرائیلی پروڈکٹس بالخصوص کوکا کولا، پیپسی کا مکمل بائیکاٹ کریں۔ اگر ہم ملک کے 25 کروڑ مسلمان 100، 100روپے کی کوکا کولا، پیپسی خریدتے ہیں تو اربوں،کھربوں روپے ہم اسرائیل کو بیٹھے بٹھائے فائدہ پہنچاتے ہیں، اور ان پیسوں کا استعمال اسرائیل، فلسطینی مسلمانوں کے قتل میں کرتا ہے۔ ذاکر حسین نے اپنے بیان میں زور دیتے ہوئے کہا کہ ہر حال میں کوکا کولا اور پیپسی کا بائیکاٹ کریں اور عید کے موقع پر کوکا کولا اور پیپسی کا استعمال ہر گز نہ کریں۔

Related posts

ڈاکٹر آصف اور الفلاح فاؤنڈیشن غریب بچی کی زندگی بچانے میں رہے کامیاب

Hamari Duniya

کیرانہ کے لیچی کاروباری کی سڑک حادثہ میں ڈرایور سمیت موت

دونوں متوفی میں سے ایک کیرانہ کے محلہ ریتے والا کے رہائشی شریف باغبان کا بیٹا عمران (45) دوسرا جتیندر (35) ساکن برجا ضلع الور، راجستھان تھے، لوتھڑوں میں تبدیل عمران کی نعش کیرانہ پہنچتے ہی کہرام بپا ہوگیا۔:

Hamari Duniya

قرآن سے رہنمائی حاصل کرنے والے کو کوئی طاقت گمراہ نہیں کر سکتی:صدیق عالم ندوی

Hamari Duniya