پٹنہ، 03 مارچ (ایچ ڈی نیوز)۔
دارالحکومت پٹنہ کے گاندھی میدان میں گرینڈ الائنس کی جن وشواس ریلی سے خطاب کرتے ہوئے کانگریس لیڈر راہل گاندھی نے بی جے پی اور مرکزی حکومت پر شدید حملہ کیا۔ انہوں نے دعویٰ کیا کہ وہ ملک سے بی جے پی کو ہٹا کرانڈیا اتحاد کی حکومت بنائیں گے۔راہل گاندھی نے کہا کہ جب بھی ملک میں تبدیلی آتی ہے تو طوفان بہار سے شروع اٹھتا ہے اور یہاں سے طوفان ملک کی دوسری ریاستوں میں جاتا ہے۔ بہار ملک کی سیاست کا مرکز ہے اور تبدیلی بہار سے ہی شروع ہوتی ہے۔آج ملک میں نظریات کی جنگ چل رہی ہے۔
کانگریس لیڈر راہل گاندھی نے کہا کہ ملک کے شہریوں کے دلوں میں نفرت نہیں ہے بلکہ ایک دوسرے کے لیے محبت اور احترام ہے۔ ایسے میں بڑا سوال یہ ہے کہ اس ملک میں نفرت کیوں پھیل رہی ہے؟ نفرت کی سب سے بڑی وجہ ملک میں ناانصافی ہے۔ نوجوانوں کے ساتھ ناانصافی ، کسانوں کے ساتھ ناانصافی ، سماجی اور معاشی ناانصافی۔ بھارت میں چالیس سالوں سے سب سے زیادہ بے روزگاری کی شرح ہے۔
راہل گاندھی نے کہا کہ پہلے غریبوں کو پبلک سیکٹر میں اپنا راستہ مل جاتا تھا۔ حکومت میں روزگار اور نوکریاں میسر تھیں۔ جیسے تیجسوی نے بہار میں کیا اور ہماری حکومت چھتیس گڑھ میں لیکن مرکز نے یہ تمام راستے بند کر دیے۔
