27.1 C
Delhi
October 20, 2025
Hamari Duniya
Breaking News کھیل

جنوبی افریقہ پر محمد سراج کی ایئر اسٹرائیک، پوری ٹیم صرف اتنے رنوں پر ہی سمٹ گئی

Mohd Siraj

کیپ ٹاون، 3 جنوری (ایچ ڈی نیوز)۔
محمد سراج (9 اوور، 15 رنز، 6 وکٹ) کی تباہ کن گیندبازی کی بدولت ہندوستان نے یہاں کھیلے جا رہے دوسرے اور آخری ٹیسٹ کے پہلے دن لنچ سے قبل جنوبی افریقہ کو صرف 55 رنوں پرڈھیر کر دیا۔ یہ بھارت کے خلاف ٹیسٹ میں جنوبی افریقہ کا سب سے کم اسکور ہے۔ سراج کے علاوہ جسپریت بمراہ اور مکیش کمار نے بھی دو دو وکٹیں حاصل کیں۔
اس میچ میں اپنا آخری ٹیسٹ کھیل رہے جنوبی افریقہ کے قائم مقام کپتان ڈین ایلگر نے ٹاس جیت کر پہلے بیٹنگ کا فیصلہ کیا۔ ان کے اس فیصلے کو بھارتی تیز گیندباز محمد سراج نے بالکل غلط ثابت کیا۔ سراج نے میچ کے چوتھے اوور میں ایڈن مارکرم (02) کو سلپ میں یشسوی جیسوال کے ہاتھوں کیچ کروا کر وکٹ لینے کا عمل شروع کیا اور 47 رنز تک پہنچ کر میچ میں اپنے کیریئر کی بہترین کارکردگی پیش کی۔ اس دوران انہوں نے 9 اوورز کرائے اور تین میڈنز کرتے ہوئے 6 وکٹیں حاصل کیں۔ سراج کے علاوہ تجربہ کار تیز گیند باز جسپریت بمراہ اور مکیش کمار نے اپنا پہلا ٹیسٹ کھیلتے ہوئے 2-2 وکٹیں حاصل کیں۔جنوبی افریقہ کی جانب سے صرف ڈیوڈ بینڈنگھم (12) اور وکٹ کیپر کائل ویرانے (15) ہی دوہرا ہندسہ عبور کر سکے۔آپ کو بتاتے چلیں کہ جنوبی افریقہ نے سنچورین میں کھیلا گیا پہلا ٹیسٹ میچ تین دن میں اننگز اور 32 رنز سے جیت کر دو میچوں کی سیریز میں 1-0 کی برتری حاصل کر لی ہے۔

Related posts

بی جے پی کی نیند اڑچکی ہے،کھڑگے کی قیادت میں بلندیوں کو چھو لے گی کانگریس:مولانا سید طارق انور

Hamari Duniya

قدآور مسلم رہنما عمران مسعود کی ہوگی گھر واپسی ، مقام اور تاریخ طے

Hamari Duniya

تم پر فخر ہے، عالمی کپ کے فائنل میں شکست کے بعد شاہ رخ نے ’ٹیم انڈیا‘ کا حوصلہ بڑھایا

Hamari Duniya