نئی دہلی، 17 فروری: میڈیکل سروس سوسائٹی نے جامعہ نگر میں غریب اور ضرورت مند مریضوں کے لیے چیریٹیبل کلینک کا آغاز کیا ہے۔ یہ کلینک ریڈیئنس بلڈنگ، الشفا اسپتال کے قریب، ابوالفضل انکلیو میں واقع ہے اور اس کا افتتاح ڈاکٹر ایم. فاروق نے ایم ایس ایس کے ڈاکٹروں کی موجودگی میں کیا۔
یہ کلینک پیر سے جمعہ، سہ پہر 3:00 بجے سے 5:00 بجے تک کام کرے گا، جہاں ایم بی بی ایس ڈاکٹر صرف 20 روپے فیس میں دستیاب ہو نگے ۔ علاوہ ازیں، مستحق مریضوں کو مفت ادویات بھی فراہم کی جائیں گی۔
یہ منصوبہ الشفا اسپتال اور ایسوسی ایشن آف مسلم ڈاکٹر س کے تعاون سے شروع کیا گیا ہے، جس کا مقصد غریب اور پسماندہ طبقے کو معیاری طبی سہولیات فراہم کرنا ہے۔ ایم ایس ایس م نے اس بات پر زور دیا کہ وہ کمزور طبقے کی طبی ضروریات کو پورا کرنے کے لیے پرعزم ہیں اور کوئی بھی شخص مالی مسائل کی وجہ سے علاج سے محروم نہیں رہے گا۔ مقامی افراد نے اس اقدام کا خیرمقدم کیا ہے اور اسے علاقے میں صحت کی بہتر سہولیات کی جانب ایک اہم قدم قرار دیا ہے۔
