نئی دہلی، 05 اکتوبر: گستاخ رسول یتی نرسنگھا نند کے ذریعہ پیغمبر اسلام کی شان اقدس میں گستاخی کرنے کے خلاف مسلمانوں میں غم و غصہ پایا جارہا ہے۔سیاسی،سماجی اور مذہبی تنظیموں کی جانب سے تھانوں اور پولیس اسٹیشنوں میں شکایتیں اور ایف آئی آر درج کراکر سخت کاروائی کا مطالبہ کیا جارہاہے۔
بابر پور ضلع کانگریس کمیٹی کے صدروسابق کونسلر چودھری زبیر احمد نے جعفرآباد تھا نہ کے ایس ایچ او سریندر کمارسنگھ کوگستاخ رسول نرسنگھا نندکے خلاف شکایتی مکتوب دیا اور ایف آئی آر درج کرکے سخت کاروائی کا مطالبہ کیا۔زبیر احمد نے کہا کہ ملعون نے شان رسالت میں جس الفاظ کا استعمال کیا ہے کوئی بھی مسلمان برداشت نہیں کرسکتا ہے اس لئے ملک و ملت کے ماحول کو پرامن اور سازگار بنانے کے لئے ایسے نفرت کے پجاریوں کو ہمیشہ ہمیش کے لئے جیل میں ڈالناازحد ضروری ہے۔ اس موقع پرسید ناصر جاوید،خورشید بھاٹی،رئیس انصاری،مقبول بیگ،مرزا شوقین،ضرار احمد،راؤ نوید،سرتاج احمد،سکندر خان،نواب الدین،معراج،اسلم ملک اور نعیم الدین وغیرہ بطور خاص موجود تھے۔
