نئی دہلی،27جولائی(محمدخان ایچ ڈی نیوز)۔
آج میڈیا کے مختلف ذرائع سے وابستہ افراد کو ویکسینیشن سے متعلق ہچکچاہٹ اور غلط فہمیوں کا کامیابی سے مقابلہ کرنے اور زیادہ سے زیادہ لوگوں کو ویکسینیشن کے دائرے میں لانے اور اس بابت لوگوں کے اندار جذبہ پیدا کرنے کے لئے ضروری معلومات فراہم کرنے کیلئے ایک صلاحیت سازی کی ورکشاپ کا کامیابی سے انعقاد کیا گیا۔ ورکشاپ کا انعقاد وزارت صحت اور خاندانی بہبود (ایم او ایچ ایف ڈبلیو) اور یونیسیف کے درمیان مشترکہ اشتراک کے تحت کیا گیا تھا۔ اہم بات یہ ہے کہ یہ ورکشاپ اگست کے اوائل میں چلائی جانے والی ہندوستان کی ویکسین کیچ اپ مہم، انٹینسیفائیڈ مشن اندرا دھنش (آئی ایم آئی) 5.0 کے مجوزہ آغاز سے پہلے منعقد کی گئی تھی۔نئی دہلی میں واقع تاج محل ہوٹل میں اخباری نمائندوں اور الیکٹرانک میڈیااہلکاروں کیلئے ایک ورکشاپ کا انعقاد کیا گیا ، جس میں دہلی ہی نہیں بلکہ یو پی ،راجستھان سمیت دیگر ریاستوں کے صحافیوں نے بڑی تعدادمیں شر کت کی۔ اس موقع پر شر کت کرتے ہوئے ڈاکٹر نریندر کمار اروڑا (چیف نیشنل ٹیکنیکل ایڈوائزری گروپ آن ایمونائزیشن )نے بتایا کہ 5آئی ایم آئی کے ذریعے ہندوستان تمام بچوں کو حفاظتی ٹیکے لگانے، کسی بھی بچے کو ٹیکے سے محروم نہ رہنے دینے اورہماری نسل کیلئے ایک صحت مندمستقبل بنانے کی کوششوںکودوگناکررہاہے۔ انہوں نے کہاکہ کمیونٹی کے مرکز صحت کے نظام کو مضبوط بنانا اور والدین کو فعال طور پر شامل کرنا زندگی بچانے والی ویکسینوں کی مانگ اور ان تک مساوی رسائی کو یقینی بنانے کے کلیدی محرک ہیں،خاص طور پر کمزور کمیونٹیز میں۔ انہوں نے مزیدکہاکہ خسرہ سب سے زیادہ متعدی انسانی وائرسوں میں سے ایک ہے، خسرہ کی کوریج وبا کے بعدصحتیاب ہونے میں سست رہی ہے،خسرہ سنگین پیچیدگیوں کا سبب بن سکتا ہے جیسے نمونیا، دماغی نقصان، بہرا پن اوراندھا پن اور بعض اوقات جان لیوا بھی ہو سکتا ہے،لہذا جہاں کمیونٹیز میں قوت مدافعت میں کمی ہوتی ہے، وہاں خسرہ کی وبا اکثر ہوتی ہے،لہذا اب 5.0آئی ایم آئی کا منصوبہ ہے کہ ملک میں خسرہ اور روبیلا کے خاتمے کے ہدف کو حاصل کرنے کی طرف ایک اور بڑی چھلانگ لگائی جائے۔ ڈاکٹر آشیش چوہان (ہیلتھ اسپیشلسٹ ، یو نیسیف)نے بتایا کہ یونیسیف صحت اور حفاظتی ٹیکوںکی ضروری خدمات کے تسلسل میں منصوبہ بندی، اسکیلنگ اور نگرانی اور محروم رہ جانے والے بچوں اور کمیونٹیز کی شناخت اور ان تک رسائی کو یقینی بنانے کے ذریعے حکومت ہند کے ساتھ کام کرنے میں مستقل شراکت دار رہا ہے، ویکسین اور معیاری ویکسین،یہ صحت کی دیکھ بھال کی خدمات تک آسان رسائی کے ذریعے کیاجاتا ہے،بالخصوص یونیسیف کمیونٹیز میں ویکسین کے بارے میں آگاہی اوراعتماد بڑھانے اور معمول کی حفاظتی ٹیکوں کےلئے کولڈ چین کو مضبوط کرنے میں بھی مددکرتاہے۔الکاگپتا(کمیو نیکیشن اسپیشلسٹ ، یو نیسیف)نے کہاکہ ایس او ڈبلیو سی کی رپورٹ کے مطابق ہندوستان دنیا کے ان ممالک میں سے ایک ہے، جہاں ویکسین پر سب سے زیادہ بھروسہ کیا جاتا ہے، جو ویکسین کی اہمیت اور ویکسین سے متعلق ہچکچاہٹ کودورکرنے کیلئے ہندوستان کی کوششوں کی تاثیر کو اجاگر کرتا ہے، رپورٹ میں آیوشمان بھارت اور ہیلتھ اینڈ ویلنس کیئر سینٹرز کے ذریعے پرائمری ہیلتھ کیئر (پی ایچ سی)پرہندوستان کی مضبوط توجہ کو تسلیم کیا گیا ہے، جو ویکسینیشن کیلئے مضبوط انٹری پوائنٹس فراہم کرتے ہیں اور یونیورسل ہیلتھ کوریج حاصل کرنے کا راستہ دکھاتے ہیں۔
بعد ازیں میڈیا نمائندوں کے چار گروپ تشکیل دئے گئے ، جس میںقریب 6صحافی شریک ہوئے ،جبکہ پہلے گروپ کی قیادت سینئر صحافی ڈاکٹر مظفر حسین غزالی نے کی ، جسکا عنوان’ ویکسین بیداری مہم میںمذہبی رہنما?ںکارول‘ رکھا گیا تھا۔دوسرا گروپ ڈاکٹرآشیش چوہان اور ارون نٹھا نی کی صدارت میں قائم کیا گیا جسکا موضوع ویکسین میں ہچکچاہٹ طے کیا گیا تھا،اس میں 6جرنلسٹ حضرات موجود رہے،تیسراگروپ سوشل میڈیا پر صحت کی معلومات کے عنوان پرسنجے ابھگیان کی سربراہی میں ہوا ،جس میں 5صحافیوں نے حصہ لیا۔الکا گپتا کی قیادت میںہوئے چوتھے گروپ کا عنوان’ ویکسین کے بارے میںسوشل میڈیا کے ذریعہ غلط معلومات ‘تھاجس میں بھی قریب 6صحافی موجود رہے۔سونیا سرکار (یو نیسیف )نے’ویکسین کس چیز سے بنی ہے‘ کے تعلق سے گفتگو کی اور پانچویں گروپ کو لیڈ کیا۔ اس دوران صحافیوں کو صحت و بیماریوں سے متعلق خبریں کیسے لکھی جائیں ، اسکی معلومات دی گئی اور روبیلا کو کس طرح جڑسے ختم کیا جائے ، اس پر بھی بات ہوئی۔
