دبئی: فلسطین پر اسرائیل کے حملوں کی اسلامی تعاون تنظیم (او آئی سی) نے مذمت کی ہے۔او آئی سی کی جانب سے جاری بیان میں کہا گیا ہے کہ اسرائیل کی جانب سے کئے گئے جارحانہ حملے جس میں 3 فلسطینیوں کو قتل اور 70 کو زخمی کیا گیا ہے او آئی سی اس کی پرزور مذمت کرتی ہے۔
اسلامی تعاون تنظیم نے نابلس میں فلسطینیوں کی املاک اور گھروں کو تباہ کرنے کے اسرائیلی اقدام کی بھی مذمت کی ہے۔واضح رہے کہ مغربی کنارے کے شہر نابلس میں اسرائیلی فوج کی کارروائی میں فلسطینی کمانڈر سمیت دو فلسطینی شہید اور 40 سے زائد زخمی ہوئے ہیں۔فلسطینی وزارتِ صحت کا کہنا ہے کہ زخمیوں میں سے چار فلسطینیوں کی حالت تشویشناک ہے۔
دوسری اجانب مغربی کنارے کے شہر نابلس میں اسرائیلی فوج کی کارروائی میں فلسطینی کمانڈر سمیت دو فلسطینی شہید ہوگئے۔اسرائیلی فوج اور فلسطینیوں کے درمیان جھڑپوں میں 40 فلسطینی زخمی ہوئے۔
فلسطینی وزارتِ صحت کا کہنا ہے کہ زخمیوں میں سے چار فلسطینیوں کی حالت تشویشناک ہے، اسرائیلی فوج کے جانی نقصان کے بارے میں ابھی کوئی تفصیل نہیں بتائی گئی۔شہید ہونے والوں میں الاقصیٰ بریگیڈ کے کمانڈر ابراہیم النابلسی اور ان کے ساتھی شامل ہیں۔
