نئی دہلی،17اپریل(ایچ ڈی نیوز)۔
دنیا بھر میں مشہور کامیڈی شو ’دی کپل شرما شو‘ کو ایک بار پھر عارضی طور پر بند کیا جا رہا ہے۔ رپورٹس کے مطابق ’دی کپل شرما شو‘ کو ماضی کی طرح ایک بار پھر رواں سال عارضی طور پر بند کرنے کا فیصلہ کیا گیا ہے۔
میڈیا رپورٹس کے مطابق شو کو بند کرنے کا مقصد شو کے میزبان کپل شرما کا اپنی فیملی کے ساتھ وقت گزارنا اور اس شو کے دیگر کرداروں کا بریک لے کر تازہ دم ہو کر واپس آنا ہے۔ رپورٹس میں بتایا گیا ہے کہ’ دی کپل شرما شو‘ کی آخری قسط رواں سال یکم جون کو نشر کی جائے گی جس کے بعد پروگرام کو غیر معینہ مدت کے لیے آف ایئر کر دیا جائے گا۔
واضح رہے کہ اس سے قبل 2021 اور 2022ءمیں بھی دی کپل شرما شو کو 6 ماہ کے لیے عارضی طور پر آف ایئر کیا گیا تھا۔ دوسری جانب دی کپل شرما شو کی ٹیم کی جانب سے اب تک شو کو عارضی طور پر بند کرنے کے حوالے سے کوئی تفصیلات سامنے نہیں آئیں۔
