تعلیم کے شعبے میں نمایاں خدمات کیلئے ڈاکٹر ذیشان ایوارڈ سے سرفراز

عبدالقادر کی رپورٹ

اعظم گڑھ،7 فروری(نا مہ نگار)۔ اعظم گڑھ کے الفاروق پبلک اسکول کے پرنسپل ڈاکٹر محمد ذیشان کو نئی دہلی میں منعقدہ Global Leaders Conference & Awards – 2026 کے موقع پر “چینج میکر ایوارڈ برائے تعلیم، مساوات اور پائیدار اثر” سے نوازا گیا۔ یہ ایک بین الاقوامی اعزاز ہے جو EDUFAM Organisation (UAE) کی جانب سے پیش کیا گیا۔یہ باوقار کانفرنس دی سوریا ہوٹل، نئی دہلی میں منعقد ہوئی۔ قابلِ ذکر ہے کہ یہ عالمی پروگرام اب تک پانچ مختلف ممالک میں منعقد ہو چکا ہے اور بھارت میں پہلی بار اس کا انعقاد کیا گیا۔کانفرنس میں مختلف ممالک سے آئے ہوئے مندوبین نے شرکت کی، جب کہ ملک کی متعدد معروف شخصیات بھی اس موقع پر موجود رہیں، جن میں مختلف جامعات کے وائس چانسلرز، ماہرینِ ماحولیات، سائنس دان، سپریم کورٹ کے سینئر وکلاء، چارٹرڈ اکاؤنٹنٹس اور نامور صحافی شامل تھے۔ اس موقع پر این ڈی ٹی وی کی سابق سینئر صحافی محترمہ ندھی کلپتی کی شرکت نے پروگرام کی اہمیت میں مزید اضافہ کیا۔کانفرنس کا موضوع “پائیدار صحت، پائیدار کاروبار اور پائیدار تعلیم کے لیے اے آئی اور ایم ایل”* تھا، جس پر تفصیلی تبادلۂ خیال کیا گیا۔
اس موقع پر ڈاکٹر محمد ذیشان نے کہا کہ وہ یہ اعزاز اپنے آبائی ضلع اعظم گڑھ کے نام معنون کرتے ہیں،* جہاں سے انہیں تعلیم اور سماجی خدمت کے لیے حوصلہ اور رہنمائی ملی۔اس موقع پر بلڈ ڈونیٹ گروپ الفلاح تنظیمِ کے صدر اسماعیل شیخ و دیگر تنظیم کے افراد نے ڈاکٹر ذیشان کو مبارکباد پیش کی۔ڈاکٹر محمد ذیشان کو ملنے والا یہ بین الاقوامی اعزاز نہ صرف الفاروق پبلک اسکول بلکہ پورے ضلع اعظم گڑھ کے لیے باعثِ فخر ہے۔