نومبر 17, 2026
Delhi دہلیNational قومی خبریںTop News

بھارت منڈپم میں ورلڈ بک فیئر کا10 جنوری سے آغاز،قطر اور اسپین ہوں گے مہمان خصوصی

53rd-New-Delhi-World-Book-Fair-Bharat-Mandapam

نئی دہلی، 8 جنوری۔ نئی دہلی عالمی کتاب میلے کا 53 واں ایڈیشن وزارت تعلیم کے تحت نیشنل بک ٹرسٹ کے زیراہتمام 10 سے 18 جنوری تک بھارت منڈپم میں منعقد ہوگا۔ انڈیا ٹریڈ پروموشن آرگنائزیشن نئی دہلی ورلڈ بک فیئر 2026 کا مشترکہ اہتمام کر رہی ہے۔ نو روزہ کتاب میلے میں 35 سے زیادہ ممالک کے 1,000 پبلشرز، 600 سے زیادہ تقاریب کے ساتھ 1,000 مقررین کوبھی اس عالمی کتاب میلے میں پیش کریں گے۔
نیشنل بک ٹرسٹ کے ڈائریکٹر یوراج ملک نے جمعرات کو کانسٹی ٹیوشن کلب آف انڈیا میں ایک پریس کانفرنس میں کہا کہ پہلی بار کتاب میلے میں داخلہ مفت ہوگا، جس سے کتابوں اور علم کو سب کے لیے زیادہ کھلا اور قابل رسائی بنانے کے لیے نیشنل بک ٹرسٹ کے عزم کو تقویت ملے گی۔ اس میلے کا افتتاح مرکزی وزیر تعلیم دھرمیندر پردھان قطر اور اسپین کے اعلیٰ سطحی وفد کے ساتھ کریں گے۔
یوراج ملک نے کہا کہ عالمی کتاب میلے کی خاص بات انڈین ملٹری ہسٹری تھیم پویلین ہے، جو آزادی کے بعد سے ملک کی تعمیر میں ہندوستانی فوج، بحریہ اور فضائیہ کی ہمت، قربانی اور کردار کو خراج تحسین پیش کرتا ہے۔ انہوں نے کہا کہ اہم پرکشش مقامات میں ارجن ٹینک، آئی این ایس وکرانت، اور ایل سی اے تیجس کی نقلیں، 21 پرم ویر چکر ایوارڈ یافتہ افراد کو خراج تحسین، اور بڈگام 1947 سے لے کر آپریشن سندھ تک کی بڑی جنگوں اور فوجی کارروائیوں پر سیشن شامل ہیں۔یوراج ملک نے کہا کہ عالمی کتاب میلے میں بھرپور بین الاقوامی شرکت دیکھنے کو ملے گی، جس میں قطر اور اسپین مہمان خصوصی ہوں گے۔ روس، جاپان، پولینڈ، فرانس، متحدہ عرب امارات، ایران، قازقستان، ہنگری اور چلی سمیت دیگر ممالک کے ناشرین، مصنفین اور ثقافتی ادارے شرکت کریں گے۔

Related posts

گاندھی جینتی پر دہلی سے ممبئی تک احتجاج، چیف الیکشن کمشنر گیانیش کمار کے استعفے کا مطالبہ؛ راہل گاندھی بولے—’’گیانیش کمار جائیں گے اور انہیں بٹھانے والے بھی‘‘

Hamari Duniya News

مودی حکومت ملک کو امریکہ کا غلام بنا رہی ہے، اپوزیشن پارٹی کانگریس کا بہت بڑا الزام

Hamari Duniya News

شاہین باغ میں شاندار محفلِ مشاعرہ، اردو کے فروغ کے لیے گھروں میں اردو بولنے پر زور

Hamari Duniya News