اعظم گڑھ،5مارچ (نامہ نگار)۔ مریضوں کو مفت خون مہیا کرانے والی معروف تنظیم الفلاح فاؤنڈیشن (بلڈ ڈونیٹ گروپ) کے بانی ذاکر حسین کی والدہ محترمہ کا گذشتہ روز مختصر علالت کے بعد انتقال ہو گیا۔مرحومہ نیک سیرت،ملنسار اور سادہ طبیعت کی مالک تھیں۔پسماندگان میں چار بیٹے اور چار بیٹیاں ہیں۔ذاکر حسین تمام بھائی بہنوں میں سب سے چھوٹے ہیں۔لیکن کم عمری میں ہی انہوں نے سماجی خدمات کا ایک عظیم نیٹ ورک کھڑا کرکے یہ ثابت کیا کہ ان کی والدہ نے ان کی بہترین اور نیک انداز میں پرورش کی ہے۔
ذاکر حسین نے والدہ کے انتقال کے فوراً بعد رمضان ماہ میں ایک مریض کو خون عطیہ کیا۔اس موقع پر ذاکر حسین نے لوگوں سے اپنی والدہ کیلئے دعا کی درخواست کی ہے۔والد محمد حسین عرف پٹھن خان کا پہلے ہی انتقال ہو چکا ہے۔