دوحہ،19دسمبر:دوحہ میں قطر کے قومی دن 2025 کا جشن انتہائی پرجوش اور وطن پرستانہ ماحول میں منایا گیا، خاص طور پر کوریچ الدوحہ پر جہاں مرکزی تقریبات ہوئیں۔ دارالحکومت دوحہ میں شاندار فوجی پریڈ کا انعقاد کیا گیا جس میں شہریوں نے بھرپور شرکت کی۔ امیر قطر شیخ تمیم بن حمد آل ثانی نے شرکت کی اور عوام کا سلام قبول کیا،اور فوجی پریڈ کی صدارت کی، قطری سکیورٹی فورسز کے دستوں نے مارچ کرتے ہوئے امیر قطر کو سلامی دی، قطر ایئر فورس کے جنگی طیاروں کی فلائی پاسٹ نے حاضرین کے دل موہ لیے۔
قومی دن کی تقریب میں امیرِ قطر نے شمشیر اٹھا کر روایتی رقص بھی کیا، دوحہ میں قومی دن کی تقریبات میں عوام کی بڑی تعداد نے شرکت کی جس سے قطر کا قومی دن اتحاد، خودمختاری اور قومی فخر کی علامت بن گیا۔
پریڈ میں قطری مسلح افواج، داخلی سلامتی فورسز (لخويا)، حرس امری، اور مہمان ممالک (جیسے اردن، عمان، برطانیہ، قازقستان، ترکیہ اور امریکہ) کی فوجی دستوں نے مارچ پاسٹ کیا۔ ہوائی جہازوں کی فلائی پاسٹ، مدفع کی سلامی، اور ثقافتی پرفارمنسز نے ماحول کو مزید پرشکوہ بنایا۔ ہزاروں شہری اور مقیمین صبح سویرے سے جمع ہو گئے، اور وطن پرستی کا جذبہ عروج پر تھا۔
دن بھر شدید بارش اور گرج چمک کے باعث کئی دیگر تقریبات (جیسے مشہیرب ڈاؤن ٹاؤن، لوسيل بولیوارڈ، درب الساعی، اور پرل میں) منسوخ کر دی گئیں، لیکن کوریچ پر پریڈ کامیابی سے ہوا اور عوام نے بارش کے باوجود بھرپور شرکت کی۔دیگر جگہوں پر ماحول سوق واقف اور پرانے سوقوں میں روایتی لباس، قطری پرچم، اور عرب کپ کے شائقین کی وجہ سے خاص جوش و خروش رہا۔شہر بھر میں عمارتیں اور سڑکیں قطری پرچم کے رنگوں (مارون اور سفید) سے سجی ہوئی تھیں۔کل ملا کر، بارش کے باوجود دوحہ کا ماحول وطن پرستی، اتحاد، اور فخر سے بھرا ہوا تھا۔