آسام میں صرف سیٹوں پر ہی الیکشن لڑے گی بدرالدین اجمل کی پارٹی، اجمل کا کانگریس پر نشانہ، کہا صرف مسلم پارٹی بن کر رہ گئی ہے کانگریس

گوہاٹی، 21 فروری ۔ آل انڈیا یونائیٹڈ ڈیموکریٹک فرنٹ (اے آئی یو ڈی ایف) کے سربراہ بدرالدین اجمل نے ہفتہ کو اعلان کیا کہ وہ بناکاندی اسمبلی حلقہ سے آئندہ اسمبلی انتخابات میں حصہ لیں گے۔ انہوں نے یہ بھی کہا کہ ان کی پارٹی ریاست کی 25 اسمبلی سیٹوں پر امیدوار کھڑا کرے گی۔
میڈیا سے بات چیت کے دوران، اے آئی یو ڈی ایف کے سربراہ نے کانگریس پر سخت حملہ کرتے ہوئے الزام لگایا کہ پارٹی اب صرف مسلم پارٹی بن گئی ہے اور اسے آسامی کمیونٹی کی حمایت حاصل نہیں ہے۔ انہوں نے دعویٰ کیا کہ کوئی بھی آسامی اب کانگریس کے ساتھ نہیں ہے۔
بدرالدین اجمل نے یہ بھی کہا کہ کانگریس کو نہ تو مسلم ووٹ ملے گا اور نہ ہی چائے باغ کے ووٹروں کی حمایت۔ انہوں نے یقین ظاہر کیا کہ پارٹی 25 سیٹوں پر اچھی کارکردگی کا مظاہرہ کرے گی جہاں اے آئی یو ڈی ایف امیدوار کھڑے کرے گی۔