بلڈھانہ: 28؍فروری(نمائندہ)۔ لشکریہ نور بانو ہائی اسکول اور محمد شریف جونیئر کالج لاکھن واڑہ ضلع بلڈھانہ میں معلمہ عشرت رضوانہ عبدالحمید آج 28؍ فروری2026 کو اپنے تدریس فرائض سے سبکدوش ہوگئیں۔ ان کی 30 ؍ سالہ خدمات کے موقع پر ادارہ کے جنرل سیکریٹری اور پرنسپل محمد ذاکر حسین کے ہاتھوں پھولوں کے گلد ستے اور تحائف کے ساتھ وداع کیا گیا۔الوداعی تقریب میں ادارہ کے بانی و صدر غنی غازی ‘ اساتذہ کرام ‘طلباء وطالبات اور سابق طلباء و طالبات کثیر تعداد میں شریک ہوئے۔
ادارہ کے جنرل سیکریٹری محمد ذی شان نے معلمہ کی تعلیمی خدمات پر روشنی ڈالتے ہوئے کہا کہ انھوں نے اپنی پوری تدریسی زندگی خلوص‘ محنت اور دیانت داری کے ساتھ طلباء کی رہنمائی میں گزاردی۔ ان کی اس تربیت سے آج بے شمار شاگرد مختلف شعبوں میں کامیابی کے ساتھ خدمات انجام دے رہے ہیں۔
سابق طلباء و طالبات نے بھی اپنے خیالات کا اظہار کرتے ہوئے کہا کہ معلمہ نہ صرف ایک بہترین استاذہ تھیں بلکہ ایک شفیق مربیہ بھی تھیں جنھوں نے ہمیشہ طلباء کی اخلاقی اور تعلیمی رہنمائی کی اس موقع پر موجود انتظامیہ ‘ اساتذہ کرام ‘ غیر تدریسی عملہ‘ طلباء و طالبات سابق طلباء نے ان کی صحت یابی کی دعائیں کیں ۔نظامت کے فرائض یوسف احمد خان اور رسم شکریہ نعیم خان نے
ادا کی ۔
ہمارے یوٹیوب چینل کو سبسکرائب کریں ویڈیو کو شیئر کریں