ممبئی۔ 15 اکتوبر۔ ریلائنس انڈسٹریز کی ڈیجیٹل اور ٹیلی کام آرم جیو پلیٹ فارمز لمیٹڈ کی ابتدائی عوامی پیشکش (آئی پی او) 21 اکتوبر کو کھلے گا۔ توقع ہے کہ یہ ملک کا اب تک کا سب سے بڑا آئی پی او ہوگا۔
بدھ کو کمپنی کی طرف سے جمع کرائے گئے حتمی پراسپیکٹس کے مطابق، ایشو 21 اکتوبر کو فروخت کے لیے کھلے گا اور 23 اکتوبر کو بند ہو گا۔ بڑے ادارہ جاتی سرمایہ کار (اینکر سرمایہ کار) 19 اکتوبر کو حصص کے لیے بولی دے سکیں گے۔
جیو پلیٹ فارمز آئی پی او کے لئے پرائس بینڈ 1,065روپے سے 1,119 روپے فی ایکویٹی شیئر مقرر کیا گیا ہے۔ ہر ایکویٹی شیئر کی فیس ویلیو 10 روپے ہے۔ ملازمین کو 54 روپے کی رعایت پر شیئرز ملیں گے۔ جیو نے آج آئی پی او کے لیے اپنا ریڈ ہیرنگ پراسپیکٹس (RHP) داخل کیا۔ جیو آئی پی او 21 اکتوبر کو کھلے گا۔
جیو آئی پی اوکے لیے بولی کا کم از کم سائز 12 ایکویٹی شیئرز پر طے کیا گیا ہے۔ اس کا مطلب ہے کہ ایک لاٹ میں خوردہ سرمایہ کاروں کے لیے 12 حصص ہوں گے۔ خوردہ سرمایہ کاروں کو کم از کم ایک لاٹ کے لیے بولی لگانی چاہیے۔ اس کے بعد وہ 12 کے ضرب میں بولی لگا سکتے ہیں۔ 1,119روپے کے اوپری پرائس بینڈ پر، سرمایہ کاروں کو ایک لاٹ کے لیے کم از کم 13,428 روپے کی سرمایہ کاری کرنے کی ضرورت ہوگی۔
کمپنی نے اپنے ملازمین کے لیے مراعات کا اعلان بھی کیا ہے۔ ایمپلائی ریزرویشن پورشن کے تحت درخواست دینے والے اہل ملازمین کو فی حصص 54 روپے کا فلیٹ ڈسکاؤنٹ ملے گا۔جیو پلیٹ فارمز کا آئی پی او ایشو سبسکرپشن کے لیے بدھ، 21 اکتوبر، 2026 کو کھلے گا، اور جمعہ، 23 اکتوبر، 2026 کو بند ہوگا۔ بڑے ادارہ جاتی اور اینکر سرمایہ کاروں کے لیے بولی لگانے کی ونڈو ایشو کے آغاز سے پہلے، یعنی پیر، 19 اکتوبر، 2026 کو کھل جائے گی۔
ریلائنس کے جیو پلیٹ فارمز کا آئی پی او 21 اکتوبر کو کھلے گا، پرائس بینڈ 1,065روپے سے 1,119 روپے فی ایکویٹی شیئر مقرر
