احمد آباد،08مارچ(ہماری دنیا نیوز بیورو)۔ ٹیم انڈیا نے آئی سی سی مردوں کا ٹی20 ورلڈ کپ 2026 کا خطاب جیت لیا ہے۔ بھارت نے اتوار کو احمد آباد میں کھیلے گئے فائنل میچ کو 96 رنز سے جیت کر تیسری بار خطاب اپنے نام کیا۔ نیوزی لینڈ نے ٹاس جیت کر پہلے بولنگ کا فیصلہ کیا۔ بھارت نے پہلے بیٹنگ کرتے ہوئے کیویز کو 256 کاپہاڑ جیسا ہدف دیا۔ جواب میں نیوزی لینڈ کی ٹیم 159 کے اسکور پرہی ڈھیر ہو گئی۔
ہندوستانی ٹیم ٹی20 ورلڈ کپ کی تاریخ میں تیسری بار یہ خطاب جیتنے والی پہلی ٹیم بن گئی۔ بھارت مسلسل دو مرتبہ ٹی 20 ورلڈ کپ جیتنے والی پہلی ٹیم بھی بن گئی۔ یہ پہلی مرتبہ بھی ہے کہ کسی میزبان ٹیم نے ٹی20 ورلڈ کپ جیتا ہے۔ اس دوران نیوزی لینڈ ایک بار پھر ٹائٹل سے محروم ہو گیا۔
نیوزی لینڈ نے فن ایلن اور ٹم سیفرٹ کے ساتھ اننگز کا آغاز کیا ، لیکن شیوم دوبے نے پہلے اوور کی پانچویں گیند پر ارشدیپ سنگھ کے ہاتھوں کیچ کرانے کی کوشش کی لیکن کیچ ڈراپ ہوگیا۔ ایلن نے اس وقت اپنا کھاتہ بھی نہیں کھولا تھا۔ لیکن تیسرے اوور میں اکشر پٹیل نے ایلن کو آو¿ٹ کر دیا۔ پھر اگلے ہی اوور میں بمراہ نے رچن رویندرا کو آوٹ کر دیا۔ رویندرا نے صرف ایک رن بنایا۔ پھر پانچویں اوور میں، اکشر نے گلین فلپس کو بولڈ کیا، جب اسکورایک وکٹ پر 47 رنز تھا۔ لیکن اس دوران سیفرٹ نے صرف 23 گیندوں میں ففٹی اسکور کی۔ اس کے بعد ہاردک آٹھواں اوور کرنے آئے اور انہوں نے مارک چیپ مین کو آو
ٹ کر دیا۔
ورون نے اس کے بعد 9ویں اوور میں نیوزی لینڈ کو ایک بڑا جھٹکا دیا جب انہوں نے سیفرٹ کو آو¿ٹ کیا۔ ایشان نے شاندار کیچ لیا۔ سیفرٹ کے بلے نے 52 رنز بنائے۔ اکشر نے 13ویں اوور میں ڈیرل مچل کو آوٹ کیا۔ بمراہ نے پھر 16ویں اوور میں نیشام کو بولڈ کیا۔ اسی اوور میں بمراہ نے ہنری کو بھی بولڈ کیا۔ اس کے بعد 18ویں اوور میں بمراہ نے سینٹنر کو بھی بولڈ کیا۔ بالآخر نیوزی لینڈ صرف 159 پر ڈھیر ہو گیا۔ بمراہ نے 4 وکٹیں حاصل کیں جبکہ اکسر نے 3 وکٹیں حاصل کیں۔
سنجو سیمسن ، ابھیشیک شرما اور ایشان کشن کی نصف سنچریوں اور دوبے کی 26 رنز کی تابناک اننگز کی بنیاد پر ٹیم انڈیا نے نیوزی لینڈ کو 256 رنز کا ہدف دیا۔ پہلے بلے بازی کرتے ہوئے ٹیم انڈیا نے ابھیشیک شرما اور سنجو سیمسن کے ساتھ شاندار آغاز کیا۔ دونوں نے مستحکم آغاز فراہم کیا اور کچھ اچھے شاٹس کھیلے۔ ابھیشیک بھی الگ موڈ میں نظر آئے۔ لیکن فرگوسن چوتھا اوور کرنے آئے اور دونوں نے اس اوور میں 24 رنز بنائے ، جس سے ہندوستان کا سکور 50 سے تجاوز کر گیا۔ ابھیشیک نے پھر ذمہ داری سنبھالی اور 18 گیندوں میں نصف سنچری بنائی۔ چھ اوورز کے بعد ہندوستان کا سکور 92 تھا۔ تاہم ، بھارت کو پہلا جھٹکا آٹھویں اوور میں لگا جب ابھیشیک شرما رچن رویندرا کا شکار بنے۔ ابھیشیک نے 21 گیندوں پر 52 رنز بنائے۔
لیکن اس دوران ٹیم انڈیا نے 8ویں اوور میں 100 رنز کا ہندسہ عبور کر لیا۔ دریں اثنا سنجو سیمسن نے 11ویں اوور میں اپنی ففٹی مکمل کی۔ سنجو نے صرف 33 گیندوں میں اپنی ففٹی اسکور کی۔ ورلڈ کپ میں یہ ان کی مسلسل تیسری ففٹی تھی۔ ٹیم انڈیا نے 15ویں اوور میں 200 رنز کا ہندسہ عبور کیا۔ ایشان نے اسی اوور میں 23 گیندوں پر ففٹی بھی بنائی۔ ٹیم انڈیا کو 16ویں اوور میں ایک اور جھٹکا لگا جب سنجو 46 گیندوں پر 89 رنز بنا کر آو¿ٹ ہو گئے۔ لیکن اسی اوور میں ایشان کشن نے اپنی وکٹ بھی گنوا دی۔ انہوںنے 54 رنز بنائے۔ اسی اوور میں کپتان سوریہ بغیر کوئی رن بنائے آو¿ٹ ہوگئے۔ نیشام نے ایک اوور میں تین وکٹیں حاصل کیں۔ ہندوستان کا اسکور 16 اوور کے بعد 204-4 تھا۔ لیکن پھر ہاردک پانڈیا اور تلک ورما نے مورچہ سنبھال لیا۔ تاہم، ہاردک نے 19 ویں اوور میں اپنا وکٹ کھو دیا ، جس سے ہندوستان 226پر5 وکٹ ہو گیا۔ لیکن پھر شیوم دوبے نے آخری اوور میں نیشام کا مقابلہ کیا اور 24 رنز بٹورے۔ دوبے نے 8 گیندوں میں 26 رنز بنائے ، جس سے بھارت نے نیوزی لینڈ کو 256 رنز کا ہدف دیا۔ ہندوستانی بلے بازوں نے آخری 5 اوورز میں 52 رنز بنائے۔