9.1 C
Delhi
February 7, 2025
Hamari Duniya
علاقائی خبریں

کشمیر میں برف و باراں کے بعد موسم میں بتدریج بہتری

سری نگر، 2فروری : وادی کشمیر کے میدانی علاقوں میں شبانہ بارشوں اور سیاحتی مقامات گلمرگ اور پہلگام سمیت بعض پہاڑی علاقوں میں ہلکی برف باری کے بعد موسم میں بتدریج بہتری واقع ہو رہی ہے ۔ اطلاعات کے مطابق گلمرگ میں گذشتہ چوبیس گھنٹوں کے دوران 5.1 سینٹی میٹر برف ریکارڈ ہوئی ہے جبکہ پہلگام میں 2.8 سینٹی میٹر اور کپوارہ میں 2.5 سینٹی میٹر برف ریکارڈی ہوئی ہے ۔ گرمائی دارلحکومت سری میں دوران شب رک رک کر ہلکی بارشیں ہوئیں جبکہ وادی کے دوسرے میدانی علاقوں میں بھی رک رک کر ہلکی بارشیں ہوئیں۔ محکمہ موسمیات کی پیش گوئی کے مطابق وادی میں اگلے چوبیس گھنٹوں کے دوران مطلع جزوی یا عام طور پر ابر آلود رہنے کے ساتھ بالائی علاقوں میں کہیں کہیں ہلکی برف باری کا امکان ہے ۔

انہوں نے کہا کہ 3 فروری کی شام سے کہیں کہیں ہلکی برف باری کا امکان ہے جبکہ 4 فروری کو وادی میں موسم ابر آلود رہنے کے ساتھ کئی مقامات پر ہلکی سے درمیانی درجے کی بارشوں کا امکان ہے ۔ ان کا کہنا ہے کہ 5 فروری کی صبح کو بھی کہیں کہیں ہلکی برف باری یا بارشیں ہوسکتی ہیں۔ ادھر سیاحتی مقامات گلمرگ اور پہلگام کو چھوڑ کر وادی کے بیشتر مقامات پر شبانہ درجہ حرارت میں بہتری واقع ہوئی ہے ۔ سری نگر میں کم سے کم درجہ حرارت 2.5 ڈگری سینٹی گریڈ ریکارڈ کیا جہاں گذشتہ شب کا درجہ حرارت 0.8 ڈگری سینٹی گریڈ ریکارڈ ہوا تھا۔ سری نگر میں 21 دسمبر یعنی چلہ کلان کے پہلے ہی دن شبانہ درجہ حرارت منفی 8.5 ڈگری سینٹی گریڈ ریکارڈ ہوکر رواں موسم کی سرد ترین رات ریکارڈ ہوئی تھی جو گذشتہ 133 برسوں میں سری نگر میں ماہ دسمبر میں ریکارڈ ہونے والا تیسرا کم ترین درجہ حرارت ہے ۔ وادی کے شہرہ آفاق سیاحتی مقام گلمرگ میں کم سے کم درجہ حرارت منفی7.6 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی7.0 ڈگری سینٹی گریڈ ریکارڈ ہوا تھا۔ وادی کے دوسرے مشہور سیاحتی مقام پہلگام میں کم سے کم درجہ حرارت منفی2.6 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی0.4 ڈگری سینٹی گریڈ ریکارڈ ہوا تھا۔

وادی کے ایک اور سیاحتی مقام سونہ مرگ میں کم سے کم درجہ حرارت منفی4.7 ڈگری سینٹی گریڈ ریکارڈ کیا گیا جہاں گذشتہ شب بھی یہی درجہ حرارت ریکارڈ ہوا تھا جبکہ زوجیلا پر شبانہ درجہ حرارت منفی23.0 ڈگری سینٹی گریڈ ریکارڈ ہوا ہے ۔ سرحدی ضلع کپوارہ میں کم سے کم درجہ حرارت 0.7 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی0.2 ڈگری سینٹی گریڈ ریکارڈ ہوا تھا۔ گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت 0.2 ڈگری سینٹی گریڈ ریکارڈ کیا گیا جہاں گذشتہ شب بھی یہی درجہ حرارت ریکارڈ ہوا تھا۔ شمالی کشمیر کے بارہمولہ اور بانڈی پورہ اضلاع میں کم سے کم درجہ حرارت بالترتیب 0.9 ڈگری سینٹی گریڈ اور 1.2 ڈگری سینٹی گریڈ ریکارڈ ہوا ہے ۔ وسطی کشمیر کے بڈگام اور گاندربل اضلاع میں کم سے کم درجہ حرارت بالترتیب 2.6 ڈگری سینٹی گریڈ اور 1.3 ڈگری سینٹی گریڈ ریکارڈ ہوا ہے ۔ جنوبی کشمیر کے پلوامہ، کولگام اور شوپیاں اضلاع میں شبانہ درجہ حرارت بالترتیب 1.7 ڈگری سینٹی گریڈ، منفی1.1 ڈگری سینٹی گریڈ اور منفی0.9 ڈگری سینٹی گریڈ ریکارڈ ہوا ہے ۔

لداخ یونین ٹریٹری کے ضلع لیہہ میں کم سے کم درجہ حرارت منفی10.5 ڈگری سینٹی گریڈ جبکہ ضلع کرگل میں کم سے کم درجہ حرارت منفی6.0 ڈگری سینٹی گریڈ ریکارڈ ہوا ہے ۔ سائبیریا کے بعد دنیا کے دوسرے سرد ترین علاقہ دراس میں کم سے کم درجہ حرارت منفی 8.4 ڈگری سینٹی گریڈ ریکارڈ ہوا ہے ۔ قابل ذکر ہے کہ وادی میں چلہ کلان کے اختتام کے بعد 20 روزہ چلہ خورد شروع ہوا ہے گرچہ اس میں بھی بھاری برف باری کو خارج از امکان قرار نہیں دیا جا سکتا ہے تاہم سردیوں کا زور تھم جاتا ہے ۔

Related posts

امت شاہ کو مرکزی کابینہ سے برخاست کرنے کا مطالبہ

Hamari Duniya

کرناٹک الیکشن میں ایم ای پی پوری طاقت سے لڑرہی ہے: عالمہ ڈاکٹر نوہیرا شیخ

Hamari Duniya

بد قسمت ہیں وہ لوگ جو ماہ رمضان میں بھی بخشش نہ کرا پائیں:مولانا نجم الحسن تھانوی

Hamari Duniya