نئی دہلی ،24فروری (ایچ ڈی نیوز)۔
جامعہ نگرواقع ویژن 2026 کے آئی ایس ٹی سی سینٹر میں تقسیم اسناد کا پروگرام ہوا۔ اس موقع پر 84 بچوں کو کمپیوٹر کی اسکل ٹریننگ دی گئی ، یہ اور اس طرح کے 9 سینٹر ملک کے الگ الگ ریاستوں میں کام کر رہے ہیں جہاں سے نرسنگ اسٹاف اور کمپیوٹر کورس کی ٹریننگ دی جاتی ہے۔وڑن 2026 کے اکنامک امپاور ڈپارٹمنٹ کے چیف زاہد حسین نے کہا ’ہم نے ابتک 1000 سے زائد نوجوانوں کو کمپیوٹرکی اسکل ٹرینگ دے کر میدان میں اتارا ہے ، اس کے علاوہ میڈیکل انڈسٹری کی ضرورتوں کی تکمیل کے لیے یہاں سے ٹرینڈ نرسنگ اسٹاف بھی تیار کیے جاتے ہیں۔ سرٹیفیکیٹ تقسیم اسناد پروگرام میں 84 بچوں کوکمپیوٹر مکمل کرنے کی اسناد دی گئیں۔
انہوں نے مزید بتایا کہ 50 فیصد بچے برسر روزگار ہوگئے ہیں ، بقیہ بھی رفتہ رفتہ میدان میں اپنی جگہ بنانے میں کامیاب ہوجائیں گے۔پروگرام کے مہمان خصوصی آئی ٹی آئی نریلا کے پرنسپل محمد حسین نے کہا ” ہمارے نوجوانوں کو اسمارٹ فون کا درست استعمال آنا چاہیے آپ چاہیں تو اس سے اپنے مستقبل سنوار سکتے ہیں ڈھیروں قیمتی جانکاریاں موجود ہیں ،خود ملک میں اتنا بڑا آئی ٹی آئی نیٹ ورک موجود ہے جو آپ کے لیے ہے اسے جانیں اور اپنی صلاحیتوں کو پروان چڑھائیں۔آل انڈیا ایجوکیشنل مومنٹ کے سیکریٹری محمد الیاس نے کہا ہمارے نوجوان معاشرے کے لیے سود مند بنیں، خود کو مضبوط کریں۔صدر مجلس ویژن 2026 کے ٹرسٹی ڈاکٹر سید قاسم رسول الیاس نے کہا آپ دنیا میں اپنے آنے کے سوال کا جواب تلاش کریں ؟ اسی مختصر سی زندگی میں سماجی زندگی گزارتے ہوئے اپنے پیدا کرنے والے کو پہچاننا ہے۔
