اگر آپ اس ویزے پر حج کرنا چاہتے ہیں تو ہوجائیں ہوشیار، جانا پڑسکتا ہے جیل، سعودی عرب کا انتباہ

مکہ مکرمہ،19مئی ۔ سعودی وزارت حج و عمرہ نے خبردار کیا ہے کہ سعودی عرب میں مقیم عمرہ ویزہ رکھنے والے اس سال اس ویزے کے ساتھ حج نہیں کر سکیں گے۔ وزارت نے زور دیا کہ عمرہ ویزے کی میعاد پر عمل کیا جائے اور خاص طور پر مکہ مکرمہ کو چھوڑنے اور تین ماہ کی مدت ختم ہونے پر واپس جانے پر عمل کرانے کی ہدایت کی۔
سعودی وزارت نے کہا کہ حج کے ضوابط کی خلاف ورزی کرنے والے اور حج پرمٹ یا ویزا نہ رکھنے والے افراد کو نقل و حمل کے قانون کی خلاف ورزی کے تحت سزا دی جائے گی۔ وزارت نے متنبہ کیا کہ حج سیزن کے قریب آنے پر جعلی اور گمراہ کن حج اشتہاری مہم چلانے والوں کی گرفتاری کی جائے گی۔ واضح رہے پرمٹ کے بغیر حج کرنے کی سزا 10 ہزار ریال جرمانہ اور ملک بدری ہے۔
واضح رہے کہ ہندوستان میں بھی بڑے پیمانے پر ٹریلوس ایجنسیاں وزٹ یا عمرہ ویزے کے ذریعہ شہریوں کو حج کیلئے بھیجتے ہیں۔سستا پیکیج ہونے کی وجہ سے حج کے خواہش مندمعصوم شہری بھی ان کے جھانسے میں آجاتے ہیں۔ اس لئے اگر بھی پرائیویٹ حج ٹور آپریٹرز سے حج کا ویزا لے کر سعودی عرب جانا چاہتے ہیں توسب سے پہلے حج جیسے مبارک عمل پر جانے سے پہلے اپنے ایجنٹ کے ذریعہ اس کی مکمل طور پر جانکاری حاصل کرلیں ورنہ کہیں آپ کو بھی جیل کے سلاخوں کے پیچھے نہ جاناپڑجائے۔

گوگل نیوز پر ہمیں فالو کریں