نئی دہلی، 05 اگست (ایچ ڈی نیوز)۔
۔جامعہ ملیہ اسلامیہ کی طالبہ اقراء خان نے ملکی سطح کے اہم ایگزام نیٹ جے آر ایف فارسی مضمون میں اعلیٰ نمبرات سے شاندار کامیابی حاصل کی ہے۔اس کامیابی کا مزدہ سنتے ہی یونیورسٹی سے لیکر گھر تک خوشیوں کا سما چھاگیا، ہر چہار دانگ سے لوگ مبارکباد پیش کررہے ہیں. یقیناً یہ اقراء کی جہد مسلسل، سعی پیہم اور کاوشوں کا نتیجہ ہے۔
اقراء خان کی پیدائش یوپی کے ضلع شاہجہاں پور میں ہوئی والدہ کے زیر سایہ تربیت پائی، ابتدائی تعلیم تکشیلا پبلک اسکول سے حاصل کی، گریجویشن لکھنو کے انٹیگرل یونیورسٹی سے کیا بعدہ دیش کی جانی مانی یونیورسٹی جامعہ ملیہ اسلامیہ کے شعبہ فارسی میں ایم اے میں داخلہ لیا اور دو سال کے قلیل مدت میں نہ صرف فارسی زبان و ادب سیکھی بلکہ مشکل ترین اہلیتی امتحان یو جی سی نیٹ بھی بھی کوالیفائی کیا۔ اقراء کی کامیابی اس لیے بھی اہم ہے کہ اقرا نے گریجویشن کامرس سے کیا ہے فیلڈ تبدیل کرکے فارسی سے اتنی بڑی کامیابی حاصل کرنا یہ اپنے آپ میں بہت اہم ہے۔
اس موقع پر اقراء خان نے ان تمام کامیابیوں کا سہرا اپنی والدہ محترمہ کو دیاجنہوں نے ہمیشہ سے نہ صرف سپورٹ کیا بلکہ مشکل سے مشکل حالات میں بھی بیٹی کے ساتھ کھڑی رہیں اپنے بھائیوں، بھابھیوں، بڑی بہن کا خاص کر جامعہ کے شعبہ فارسی کے اساتذہ اپنے سینئر جونیئر ساتھیوں کا جامعہ لائبریرین اور ان تمام لوگوں کا شکریہ ادا کیا جنہوں نے کسی طرح بھی ان کی مدد کی۔
واضح رہے کہ فارسی سبجیکٹ سے نیٹ نکالنا بہت مشکل امر ہے خاص کر طالبات کیلیے اس میں بھی اقرا خان نے اپنی شب و روز کی محنت سے یہ ثابت کردیا کہ محنت کے آگے کچھ بھی ناممکن نہیں۔ اس موقع پر اقرا کو مبارکباد پیش کرنے والوں میں جامعہ کے شعبہ فارسی کے تمام اساتذہ، طلبہ اور دیگر احباب خاص طور پر شامل ہیں۔
