9.1 C
Delhi
February 7, 2025
Hamari Duniya
دہلی

بسنت پنچمی کے ساتھ ہی موسم بدلنا شروع ہو جاتا ہے ۔ تین دن کے بعد 5 فروری کو دہلی میں ترقی کی نئی بہار آنے والی ہے : مودی

نئی دہلی، 02فروری : وزیر اعظم نریندر مودی نے اتوار کو کہا کہ دہلی میں تبدیلی کی بہار آ گئی ہے اور جھاڑو کے تنکے بکھرنے لگے ہیں۔ یہ واضح ہو گیا ہے کہ ‘آپ دا’ دہلی چھوڑنے جا رہی ہے اور غریب اور متوسط طبقے کی زندگی کو خوشحال بنانے والی بھارتیہ جنتا پارٹی (بی جے پی) کی حکومت آنے والی ہے ۔ دہلی اسمبلی انتخابات کے لیے جنوبی دہلی کے آر کے پورم میں ایک بڑی ریلی سے خطاب کرتے ہوئے مسٹر مودی نے کہا کہ بسنت پنچمی کے ساتھ ہی موسم بدلنا شروع ہو جاتا ہے ۔ تین دن کے بعد 5 فروری کو دہلی میں ترقی کی نئی بہار آنے والی ہے ۔ اس بار دہلی میں بی جے پی کی حکومت بننے جا رہی ہے ۔ اس بار پوری دہلی کہہ رہی ہے ، اب کی بار بی جے پی حکومت ۔ وزیر اعظم نے کہا، “دہلی کی عام آدمی پارٹی نے یہاں 11 سال ضائع کیے ہیں۔ میں دہلی کے ہر کنبہ سے درخواست کرتا ہوں کہ ہمیں ریاست میں آپ سب کی، دہلی کے لوگوں کی خدمت کرنے کا موقع دیں۔ میں ضمانت دیتا ہوں کہ میں آپ کی ہر مشکل اور پریشانی کو حل کرنے کی ہر ممکن کوشش کروں گا۔ غریب ہو یا متوسط طبقہ ہر کنبہ کی زندگی خوشحال ہو، دہلی کو ایسی ڈبل انجن والی حکومت ملے گی۔

 انہوں نے کہا، “ہمیں ایسی ڈبل انجن والی حکومت بنانی ہے جو لڑائی جھگڑے کی بجائے دہلی کے لوگوں کی خدمت کرے ، جو بہانے بنانے کے بجائے دہلی کی تعمیر اور خوبصورتی میں اپنی توانائی لگائے ۔” انہوں نے کہا کہ آپ نے اگلے پانچ برسوں کے لئے مرکز میں بی جے پی کی ایک ٹھوس حکومت بنائی ہے ، اب غلطی سے بھی یہاں آپ ۔دا کی حکومت نہیں آنی چاہئے جو دہلی کے مزید پانچ سال برباد کر دے ۔

 مسٹر مودی نے کہا کہ آپ۔دا کے لیڈر پارٹی چھوڑ رہے ہیں کیونکہ وہ جانتے ہیں کہ لوگ آپ۔دا پارٹی سے نفرت کرتے ہیں۔ اس آفت نے انہیں اس قدر چونکا دیا ہے کہ وہ جھوٹے اعلانات کا سہارا لے رہے ہیں۔ دہلی کے سامنے آپ۔دا آ کا پردہ فاش ہوگیا ہے ۔

 انہوں نے کہا کہ دہلی میں ووٹنگ سے پہلے ہی جھاڑو کے تنکے بکھر رہے ہیں۔ اے اے پی کے لیڈر اسے چھوڑ رہے ہیں، انہیں اندازہ ہو گیا ہے کہ زمین پر عوام آپ ۔دا سے کتنے ناراض ہیں۔

 وزیر اعظم نے کہا کہ میں نے ملک کو ترقی یافتہ ہندوستان کی تعمیر کے چار ستونوں کو مضبوط کرنے کی ضمانت دی تھی۔ یہ ستون ہیں غریب، کسان، نوجوان اور خواتین کی طاقت۔ کل جو بجٹ آیا وہ مودی کی انہی ضمانتوں کو پورا کرنے کی ضمانت ہے ۔

 انہوں نے کہا کہ آپ بھی جانتے ہیں کہ 10 برسوں میں ہندوستان کی معیشت 10ویں پوزیشن سے 5ویں نمبر پر آگئی ہے ، یعنی ملک کی معاشی طاقت بڑھ رہی ہے ، معیشت کا سائز بڑھ رہا ہے اور شہریوں کی آمدنی بھی بڑھ رہی ہے ۔ اگر حالات پہلے جیسے ہوتے تو ملک کی یہ بڑھتی ہوئی آمدنی گھپلوں میں ضائع ہو جاتی اور کرپشن کا شکار ہو جاتی۔ لیکن بی جے پی کی دیانت دار حکومت ملک کی بھلائی اور اہل وطن کی بھلائی کے لیے ہم وطنوں کا ایک ایک پیسہ لگا رہی ہے ۔

 مسٹر مودی نے کہا، “اگر آپ نہرو جی کے دور میں 12 لاکھ روپے کماتے ، تو حکومت 12 لاکھ روپے کی ہر آمدنی پر آپ کی تنخواہ کا ایک چوتھائی واپس لے لیتی۔ اگر اندرا جی کا وقت ہوتا تو آپ کی 12 لاکھ تک کی آمدنی میں سے 10 لاکھ روپے ٹیکس میں خرچ چلے جاتے ۔ 10-12 سال پہلے تک، کانگریس کی حکومت میں، اگر آپ 12 لاکھ روپے کماتے تھے ، تو آپ کو 2 لاکھ 60 ہزار روپے ٹیکس دینا پڑتا ۔ بی جے پی حکومت کے کل کے بجٹ کے بعد سال میں 12 لاکھ روپے کمانے والے کو ایک روپیہ بھی ٹیکس ادا نہیں کرنا پڑے گا۔

 انہوں نے کہا، ”یہ ‘آپ دا’ کے لوگ آپ کے علاج، آپ کے اسپتال اور آپ کی دوائیوں میں بھی فراڈ کرتے ہیں۔ میں دہلی کے لوگوں سے وعدہ کرتا ہوں، جنہوں نے دہلی کو لوٹا ہے انہیں اسے واپس کرنا پڑے گا۔

 وزیر اعظم نے کہا کہ بی جے پی حکومت پہلے ہی جن اوشدھی مراکز پر 80 فیصد رعایت پر دوائیں فراہم کر رہی ہے ۔ اب کل کے بجٹ کے بعد کینسر اور سنگین امراض کی 30 سے زائد ادویات سستی ہو جائیں گی۔

 انہوں نے کہا کہ بی جے پی حکومت کی یہ ترجیح ہے کہ ہمارے نوجوانوں کو زیادہ سے زیادہ مواقع اور جدید سہولیات میسر ہوں۔ اس بجٹ میں کھیلوں کے بجٹ کو بڑھا کر تقریباً 3800 کروڑ روپے کر دیا گیا ہے ، ‘کھیلو انڈیا ابھیان’ کے لیے 1000 کروڑ روپے دیے گئے ہیں۔

 مسٹر مودی نے کہا کہ دہلی کے لوگ کبھی نہیں بھول سکتے کہ کس طرح عام آدمی پارٹی اور کانگریس نے کھیلوں کے نام پر دہلی کے لوگوں کو دھوکہ دیا ہے ۔ دولت مشترکہ گھپلے کا داغ اتنا گہرا ہے کہ کانگریس کبھی بھی اس سے خود کو آزاد نہیں کر سکتی۔ دہلی میں اسپورٹس یونیورسٹی کے نام پر اے اے پی پارٹی نے جو کھیل کھیلا ہے اس سے دہلی کے عوام اور دہلی کے نوجوان بخوبی واقف ہیں۔ یہی وجہ ہے کہ آج ہندوستان کا نوجوان بی جے پی پر بھروسہ کرتا ہے اور بی جے پی کے ساتھ ہے ۔

Related posts

دیکھو۔دیکھو’یہ پیرس جیسی دہلی ہے…؟’، راہل گاندھی نے کیجریوال کو بری طرح سے بے نقاب کرکے رکھ دیا

Hamari Duniya

کیجریوال حکومت نے دہلی کو آلودگی کی بھٹی میں جھونک دی ہے :طارق صدیقی

Hamari Duniya

معیاری تعلیم اور بہتر روز گار کا ضامن الامین انسٹی ٹیوٹ آف انفارمیشن ٹیکنالوجی

Hamari Duniya