زاہدآزاد جھنڈانگری
بلرام پور، 25 دسمبر:معروف و مشہور ٹراویل ایجنسی الحرم انٹر نیشنل دہلی کے مندوب نیز رفاہی سماجی و جماعتی کاموں میں پیش پیش رہنے والے ملنسار معزز شخصیت کے مالک محترم تاج الدین خان نواز پور کواپور بلرام پور کو انکی آبائ گاؤں نواز پور میں کثیر تعداد کی موجودگی میں پر نم آنکھوں سے سپردخاک کر دیا گیا
ظفر عبد الروف محمدی کی اطلاع کے مطابق معروف شخصیت محترم جناب تاج الدین خان صاحب کا 24 دسمبر کی رات اوکھلا دہلی کے الشفاء اسپتال میں انتقال ہوگیا ہے
۔۔۔۔۔ انا للہ و انا الیہ راجعون ۔۔۔
واضح رہے کہ آپ 14 دسمبر اپنے آفس میں تھے کہ اچانک غشی طاری ہوئئ اور آپ برین ہیمرج کا شکار ہوگیے تھے موصوف کو کرول باغ دہلی کے ایک اسپتال کے آئی سی یو میں داخل کرایا گیا تھا ہر قسم کی کوششوں کے بعد بھی اہل خانہ نا کام رہے۔ درد بڑھتا گیا جیوں جیوں دوا کی، مسلسل دس دنوں تک موصوف زندگی اور موت کی جنگ لڑتے رہے معاملہ بہت دشوار کن تھا آخر کار وقت پورا ہوا، اور اپنے مالک حقیقی سے جاملے۔ موصوف کو دہلی سے بذریعہ ایمبولینس آبائی گاوں نواز پور( کواپور) ضلع بلرام پور لایا گیا۔ بعد نماز عصر ضلعی جمعیت اہلحدیث بلرامپور کی ناظم اعلیٰ شیخ زبیر احمد عبدالمعبود مدنی حفظہ نے مدرسہ پاٹیشوری نگر کواپور کے وسیع گراؤنڈ میں نماز جنازہ پڑھائی، اور کثیر تعداد کی موجودگی میں پر نم آنکھوں سے موصوف کو سپرد خاک کردیا گیا۔ ایسے موقع پر قرب و جوار کے بہت بہت سارے لوگ موجود تھے۔ دعا ہے کہ اللہ تعالیٰ موصوف کو جنت الفردوس میں اعلی مقام عطا فرمائے اور لواحقین کو صبر جمیل سے نوازے آمین ثم آمین تقبل یا رب العالمین
(محمد ظفر عبدالرؤف محمدی تلسی پور)
