نئی دہلی،04نومبر(ایچ ڈی نیوز)۔
علی گڑھ مسلم یونیورسٹی اولڈ بوائز آرگنائزیشن کے سابق صدر اور سپریم کورٹ کے وکیل ارشاد احمد نے اپنی پریس ریلیز میں کہا کہ انہوں نے علی گڑھ مسلم یونیورسٹی کے کورٹ کے ارکان سے اپیل کی ہے کہ صرف اچھی اور اعلیٰ شبیہ والی شخصیت کو ہی وائس چانسلر کیلئے پینل میں نام بھیجیں،جیسا کہ ہم سب جانتے ہیں کہ علی گڑھ مسلم یونیورسٹی کی ایک اہم کورٹ میٹنگ 6 نومبر 2023 کو ہونے والی ہے جس میں وائس چانسلر کے پینل کے تین ناموں کا فیصلہ کیا جانا ہے۔اس سے پہلے 30 اکتوبر کو علی گڑھ مسلم یونیورسٹی کی ایگزیکٹو کونسل ووٹ کے ذریعے پانچ ناموں کا انتخاب کریں گے۔فیصلے کو حتمی شکل دینے کے بعد علی گڑھ مسلم یونیورسٹی کورٹ میں بھیج دیا گیا ہے۔ دراصل، علی گڑھ مسلم یونیورسٹی کورٹ کے اندر 42 کورٹ کے ارکان وہ ہیں جو ہندوستان کے مختلف شعبے کے مسلم دانشور کے زمروں سے تعلق رکھتے ہیں۔ لیکن گزشتہ 6 سال سے اس کا الیکشن سابق وائس چانسلر پروفیسر طارق منصور نے نہیں کرایا جس کی وجہ سے کورٹ کے اندر یہ 42 نشست خالی ہے۔
اس کے ساتھ علی گڑھ مسلم یونیورسٹی اولڈ بوائز کی 25 سیٹیں بھی خالی ہیں۔اس وقت جو 93 کور ممبران اس اہم وائس چانسلر کے پینل کو بنانے میں حصہ لے رہے ہیں ان میں 10 ایم پی، 10 ڈونرز، 5 مسلم ماہر تعلیم اور تمام سابق وائس چانسلرز اور یونیورسٹی کے دیگر تمام ماہرین شامل ہیں۔ارشاد احمد نے کورٹ کے ارکان سے اپیل کی ہے کہ وہ اپنے ضمیر کی آواز کا استعمال کرکے یونیورسٹی کے طلباءاور کمیونٹی کی بہتر خدمت جو اچھے ڈھنگ سے نبھا سکتا ہو ایسے تین نام صدر کو ارسال کریں کر سکیں۔تاکہ اس پینل میں اچھے نام بھی شامل ہیں۔ ایگزیکٹیو کونسل کی طرف سے علی گڑھ مسلم یونیورسٹی کورٹ کو بھیجے گئے پانچ ناموں میں سے چار علی گڑھ مسلم یونیورسٹی کے سابق طالب علم ہیں، اس سے بڑھ کر خوشی کی بات کیا ہو سکتی ہے کہ اب جو بھی پینل بنے گا، اس میں سرفہرست نام ہمارے سابق طلباءمیں ہوں گے۔ .
مثال کے طور پر پروفیسر فیضان مصطفیٰ اپنے مضمون کے قابل اور ماہر پروفیسر ہیں اور کئی یونیورسٹیوں کے وائس چانسلر رہ چکے ہیں اور اب بھی چانکیہ لا یونیورسٹی، پٹنہ ، بہار کے وائس چانسلر ہیں اس لیے ان کا نام ضرور آگے بھیجا جائے اور ان میں ایک یا دو نام اور بھی اچھے ہوں اس پر بھی غور کرنا چاہیئے۔ ہر کورٹ کے رکن کو تین ناموں کو ووٹ دینا ہوتا ہے، اس لیے کوشش کی جائے کہ اچھے وڑن اور اچھے کام والوں کو موقع ملے تاکہ یہ یونیورسٹی ترقی کر سکے۔ہم تمام اولڈ بوائز کو پوری امید ہے کہ عدالت کے اراکین وہاں سے تین اچھے نام صدر کے لیے بھیجیں گے، جن میں سے ایک بعد میں وائس چانسلر بنے گا اور وہ ہماری مادر درسگاہ میں رونق پیدا کرے گا۔
