نئی دہلی(ایچ ڈی نیوز)۔
ٹی 20 عالمی کپ میں بھارت پاکستان کے درمیان ہونے والے سپر مقابلے کے منتظر شائقین کے لیے اچھی خبر سامنے آ گئی۔ٹی-20عالمی کپ2022میں بھارت اور پاکستان کے درمیان یہ میچ ملبورن کرکٹ گراونڈ میں بھارت کے وقت کے مطابق دوپہر1.30بجے سے کھیلا جائے گا۔ مگر اس درمیان کچھ دنوں سے ہورہی بارش کا خطرہ برقرار تھا۔ اس درمیان خبر ہے کہ ملبورن میں بارش کے امکانات مزید کم ہونے کے بعد اب مکمل میچ ہونے کی امید پیدا ہو گئی ہے۔رپورٹس کے مطابق ملبورن میں بادل چھائے ہوئے ہیں اور ٹھنڈی ہوائیں بھی چل رہی جبکہ سورج بھی نکلا ہوا ہے۔
ملبورن میں شام 7 بجے سے 10 بجے تک بارش کا امکان 15 فیصد سے بھی کم ہے جبکہ رات 11 بجے بارش کا صرف 24 فیصد امکان ہے۔دن کے وقت میں ملبورن میں بارش کا امکان 5 فیصد سے بھی کم ہے۔اس سے قبل محکمہ موسمیات کی جانب سے آج شیڈول بھارت پاک میچ بارش سے متاثر ہونے کا امکان ظاہر کیا گیا تھا۔
بھارت پاکستان کی ٹیمیں ایک ہی گروپ میں
بتادیں کہ ٹی-20عالمی کپ میں اس مرتبہ بھارتی ٹیم کو سپر-12کے گروپ بی میں رکھا گیا ہے۔ اس گروپ میں ٹیم انڈیا کے علاوہ پاکستان، بنگلہ دیش اور ساوتھ افریقہ کی ٹیمیں بھی ہیں۔ جبکہ دو ٹیموں نیدر لینڈ اور زمبابوے نے کوالیفائنگ راو¿نڈ کے بعد اس سپر گروپ میں داخل ہوئی ہے۔
