مکیش امبانی کے بیٹے اننت امبانی کی شادی کے دوسرے دن بالی ووڈ کے بادشاہ شاہ رخ خان اہلیہ گوری خان اور بیٹی سوہانا خان کے ساتھ پہنچے اور خوبصورت پوز دیے۔
شاہ رخ خان نے اپنی فیملی کے ہمراہ اننت امبانی اور رادھیکا مرچنٹ کی شادی تقریبات میں شرکت کی، وہ 12 جولائی کو شبھ ویواہ میں بھی موجود تھے۔سپر اسٹار نے شادی کے اگلے دن کے آشیرواد ایونٹ میں اپنے اسٹائل سے مداحوں کے دلوں کو چھو لیا، انہوں نے پنڈال میں پہنچتے ہی اپنی فیملی کے ساتھ خوبصورت تصاویر بنوائیں۔
ایونٹ میں شاہ رخ خان گہرے نیلے رنگ کی شیروانی اور دھوپ کے چشمے کے ساتھ میچنگ ٹراوزر میں دکھائی دیے، وہیں سوہانا نے پھولوں والا لہنگا، شفاف دوپٹہ اور چمکدار بلاوز زیب تن کیا جبکہ ان کی اہلیہ گوری خان سرخ سنہری چولی لہنگے کے ساتھ تقریب میں موجود تھی۔
اس دوران تینوں نے پاپا رازیوں کو خوبصورت پوز دیے، جنہیں دیکھنے پر مداحوں نے سوشل میڈیا پرتبصرے کیے ہیں۔ایک مداح نے تبصرہ کیا کہ بالی ووڈ میں صرف ایک ہی بادشاہ ہے اور شاہ رخ خان ہے، دوسرے نے لکھا ایس آر کے فیملی کےلئے میری طرف سے تالیاں، ایک اور نے کہا کہ خدا کی قسم سوہانا تو بہت ہی خوبصورت لگ رہی ہے۔
