36.1 C
Delhi
May 21, 2024
Hamari Duniya
قومی خبریں

شردھا قتل: برآمد ہڈیوں کی ڈی این اے جانچ کے بعدنیا انکشاف

نئی دہلی، 15 دسمبر (ایچ ڈی نیوز)۔
معروف شردھا قتل کیس میں جمعرات کو ایک بڑا انکشاف ہوا ہے۔ شردھا والکر کے قتل کے ملزم آفتاب کی نشاندہی پر پولیس نے جو ہڈیاں برآمد کی ہیں، وہ شردھا کی ہیں۔ پولیس نے گروگرام اور مہرولی کے جنگلات سے جو ہڈیاں برآمد کی ہیں ان کا ڈی این اے شردھا کے والد کی ہڈیوں سے تصدیق ہو چکیہے۔ اب یہ واضح ہو گیا ہے کہ وہ ہڈیاں شردھا کی ہی تھیں۔
آفتاب کے اعترافی بیان کے مطابق شردھا کو قتل کرنے کے بعد اس نے شردھا کی لاش کے 35 ٹکڑے کیے اور دہلی کے علاقے مہرولی کے جنگل میں پھینک دیے۔ پولیس نے تلاش شروع کی تو کئی ٹکڑے برآمد ہوئے۔ ان ٹکڑوں کو پولیس نے جانچ کے لیے سی ایف ایس ایل کو بھیجا تھا۔
جب سے اس کا بوائے فرینڈ آفتاب پونا والا شردھا قتل کیس کے الزام میں پکڑا گیا ہے، اس کیس میں روزانہ متعدد انکشافات ہو رہے ہیں۔ آفتاب روزانہ جس طرح کی معلومات دے رہا تھا، پولیس کو بھی شک تھا کہ وہ انہیں دھوکہ دے رہا ہے۔ اس کے بعد پولیس نے آفتاب کے نارکو اور پولی گراف ٹیسٹ کا مطالبہ کیا جس کی دہلی ہائی کورٹ نے اجازت دے دی۔
اس کے ساتھ ہی پولیس حراست میں آفتاب سے پوچھ گچھ کی بنیاد پر پولیس مسلسل تفتیش کر رہی تھی۔ اس دوران آفتاب نے شردھا کی لاش کو ٹکڑے ٹکڑے کر کے مہرولی کے جنگل میں پھینکنے کی بات کی تھی۔ آفتاب نے نارکو اور پولی گراف ٹیسٹ میں بھی اس بات کا اعتراف کیا تھا۔ پولیس نے آفتاب کے بتائے ہوئے مقامات سے ہڈیاں بھی برآمد کیں۔ حالانکہ یہ ہڈیاں شردھا کی ہیں یا نہیں یہمعلوم کرنے کے لیے پولیس نے شردھا کے والد کے ڈی این اے سے میچ کرایا۔ ڈی این اے ٹیسٹ سے اب پتہ چلا ہے کہ وہ ہڈیاں شردھا کی ہیں۔
 

Related posts

ناندیڑ میں اے ایم پی اور ورلڈ میمن آرگنائزیشن کے زیر اہتمام میگا جاب فیئرکاانعقاد، اتنے خوش نصیبوں کو انٹرویوکے اگلے دور کیلئے کیا گیا شارٹ لسٹ

Hamari Duniya

کیا اس بار اسد الدین اویسی کا قلعہ ہوگا منہدم، محمد اظہر الدین اور عمران پرتاپ گڑھی نے بنایا خاص پلان

Hamari Duniya

سپریم کورٹ کے معروف وکیل ایم ۔وی کینی کو مولانا آزاد نیشنل ایوارڈ سے سرفراز

Hamari Duniya