دبئی(ایچ ڈی نیوز ڈیسک)۔ بنگلہ دیش کے تجربہ کار آل راو¿نڈر شکیب الحسن نومبر 2022 میں ہونے والی ابوظہبی ٹی10 کرکٹ لیگ میں بنگلہ ٹائیگرز کے کپتان ہوں گے۔بنگلہ دیش ٹائیگرز ٹیم میں شکیب الحسن کے علاوہ ویسٹ انڈیز کے بلے باز ایلون لیوس ، نیوزی لینڈ کے کولن منرو ، پاکستانی بولر محمد عامر اور سری لنکا کے متھیشا پتھیرانا بھی شامل ہیں۔ اس کے علاوہ سابق بھارتی کرکٹر ایس سری سانتھ اس سال ٹیم میں بطور مینٹر شامل ہوئے ہیں۔
گزشتہ سال کے ٹورنامنٹ میں تیسرے نمبر پر آنے والی ٹیم نے آفتاب احمد کو ہیڈ کوچ ، رچرڈ اسٹونیئر کو کوچ ، نجم العابدین فہیم کو اسسٹنٹ کوچ اور مینٹر مقرر کیا ہے۔ٹیم حکام کے مطابق بنگلہ دیش کی قومی ٹیم کے آل راو¿نڈر اور کپتان کی نمبر ون رینکنگ ایک دلچسپ پیشرفت ہے اور اسے ٹیم کو مضبوط اور حوصلہ دینے کے لیے ڈیزائن کیا گیا ہے۔فرنچائز کے مالک محمد یاسین چودھری نے کہا کہ شکیب بنگلہ دیش کرکٹ کے عظیم سفیر ہیں۔ ہم پہلے دن سے ہی انہیں ٹیم میں شامل کرنے کے خواہشمند تھے لیکن قومی ٹیم کے مصروف شیڈول کے باعث ہم انہیں شامل نہیں کر سکے۔ وہ ایک متحرک ، تجربہ کار ، سرشار ، پرجوش اور حوصلہ افزا کھلاڑی ہونے کے ساتھ ساتھ ایک متاثر کن کپتان بھی ہیں جو بلاشبہ سامنے سے ٹیم کی قیادت کریں گےا۔
چودھری نے کہا کہ اس سال ٹیم میں ان کی شمولیت ابوظہبی ٹی10 کی اہمیت کو ظاہر کرتی ہے۔ مزید بین الاقوامی کھلاڑی ٹورنامنٹ میں شامل ہو رہے ہیں ، جو صرف جوش و خروش میں اضافہ کرتا ہے اور مقامی کھلاڑیوں کو دیکھنے اور ان سے سیکھنے کا بہترین موقع فراہم کرتا ہے۔
