Shah Islamic Library
مظفرنگر( عزیز الرحمن خاں / ایچ ڈی نیوز)۔ مظفرنگر کی تاریخی جامع مسجد حوض والی میں واقع معروف علمی ادارہ شاہ ولی اللہ اسلامک لائبریری میں خصوصی پروگرام منعقد کیا گیا جس کا عنوان،، ملک کی جدو جہد آزادی میں تحریک ریشمی رومال کا اہم کردار،، تھا ۔ پروگرام کی صدارت فعال علمی شخصیت اور ملی قائد قاری محمد خالد بشیر قاسمی نے کرتے ہوئے کہاکہ آزادی ایک عظیم نعمت ہے جو قوموں کو بڑی قربانیوں کے بعد حاصل ہوتی ہے ۔ آج ہم سب باشند گان ملک یوم آزادی کا جشن منارہے ہیں اور آزاد ملک کی فضاؤں میں سانس لے رہے ہیں یہ بھی ایک طویل جدوجہد اور بے شمار قربانیوں کا نتیجہ ہے ملک کی آزادی جدوجہد کی ایک عظیم تاریخ ہے اسی کاایک جلی عنوان تحریک ریشمی رومال ہے جس کے بانی علمائے دیوبند کے سرخیل شیخ الہند مولانا محمود حسن دیوبندی تھے ۔
Shah Islamic Library
شیخ الہند نے ملک کی آزادی کیلے اندرون ملک و بیرون ملک عالمی سطح پر ملک کی آزادی کیلۓ وسیع جدوجہد کی جس کے نتیجہ میں انگریز ی حکومت نے انکو مع رفقاء گرفتار کرکے مالٹا کی جیل میں ہزاروں میل دور قید کردیاتھا جہاں انکو دردناک ازیتیں پہچائی گئیں ۔ شیخ الہند نے ملک کی آزادی کیلئےکابل میں جلا وطن حکومت کا قیام کیا تھا ۔ شیخ الہند مولانا محمود حسن کی جدوجہد اور تحریک ریشمی رومال کا دائرہ بہت وسیع تھا ۔ وہ عظیم محب وطن اور ہندومسلم اتحاد کے علمبردار تھے وہ فکر ولی اللہی کے امین اور مجسم تعبیر تھے ملک کا سیکولر دستور انکی تحریک اور انکے نظریہ کا نتیجہ ہے ۔ اسی تاریخی حقائق کی وجوہات پر شاہ ولی اللہ اسلامک اکیڈمی مظفرنگر نے امسال یوم آزادی کے موقع پر شیخ الہند ایوارڈ جاری کیا ہے جو ہر سال یوم آزادی کے موقع پر ایسی شخصیات کو دیا جاۓ گا جو قوم ملت کی فلاح و بہبود و ملک کی ترقی و استحکام یا جنگ آزادی میں علماء کرام کے کردار اور تحریک ریشمی رومال کی تاریخ سے عوام کو روشناس کرانے میں قابل ذکر خدمات انجام دیں گے۔
Shah Islamic Library
اس اہم پروگرام میں یاد گار شیخ الہند ادارہ قائم کرنے اور ریشمی رومال تحریک کی تاریخ سے عوام کو روشناس کرانے کیلۓ کمیٹی تشکیل کا بھی فیصلہ کیا گیا ۔ پروگرام میں مولانا عبد الخالق نعیمی قاسمی محبوب عالم انصاری ایڈوکیٹ ڈاکٹر دانش قریشی پرویز رسول جیسی اہم شخصیات نے اپنے خیالات کا اظہار کیا جبکہ قاری شعیب عالم نے نعت رسول پیش کی پروگرام میں عبد اللہ قریشی محمد اخلد بشیر مولانا شاہ ویز ندوی صوفی جمیل فرمان عباسی اکرم سیفی ربنواز اختر و کثیر تعداد میں برادران وطن بھی شریک رہے۔
