30.1 C
Delhi
June 23, 2025
Hamari Duniya
دہلی

سید سعادت اللہ حسینی دوبارہ جماعت اسلامی ہند کے امیر منتخب

Amir Jamaat-e-Islami

نئی دہلی،29اپر یل(ایچ ڈی نیوز)۔
سید سعادت اللہ حسینی کو دوبارہ جماعت اسلامی ہند کا امیر منتخب کرلیا گیا ہے۔ 162 مرکزی مجلس نمائندگا ن جن میں 36 خواتین شامل تھیں۔ انہوں نے 26 اپریل سے 29اپریل 2023 تک جماعت کے مرکز ، نئی دہلی میں باہمی صلاح و مشورہ، گفت و شنید اور مباحثے کے بعد انہیں اپریل 2023 سے مارچ 2027 تک چار سالہ مدت کے لئے امیر جماعت اسلامی ہند منتخب کیا۔ جناب سعادت اللہ حسینی اس سے قبل اپریل 2019 تا 2023 جماعت کے امیر منتخب کئے گئے تھے ۔
امیر جماعت قبل ازیں جماعت کی مختلف ذمہ داریوں سے وابستہ رہے ہیں۔انہوں نے جماعت کے نائب امیر اور مرکزی مشاورتی کونسل کے رکن کی حیثیت سے بھی خدمات انجام دی ہیں۔ وہ ایک مفکر ، ادیب اور سماجی رہنما ہیں، زمانہ طالب علمی سے ہی سماجی کارکن رہے ۔ وہ جماعت کی طلبہ تنظیم اسٹوڈنٹس اسلامی آرگنائزیشن آف انڈیا ( ایس آئی او ) کی مسلسل دو میعادوں (1999 سے 2003 ) قومی صدر رہے۔ محترم امیر جماعت حیدرآباد، بنگلور، نئی دہلی، علی گڑھ اور ہندوستان کے دیگر شہروں میں بہت سی سماجی اور علمی تنظیموں کے بورڈز میں شامل ہیں۔ وہ مختلف رسائل ، جرائد اور اخبارات میں عصری مسائل اور حالات حاضرہ پر لکھنے والے مستقل کالم نگار ہیں۔انہیں ادب سے خاص دلچسپی ہے اور نئی دہلی سے شائع ہونے والا ایک فکری و تحقیقی رسالہ” زندگی نو“ کے چیف ایڈیٹر ہیں۔ ان کی اردو اور انگریز ی میں 22 سے زائد کتابیں منظر عام پر آچکی ہیں جبکہ 400 سے زیادہ مضامین قارئین میں پذیرائی حاصل کرچکے ہیں۔ ان کی کتابوں اور مضامین میں عموماً جن موضوعات کا احاطہ کیا گیا ہے ، ان میں عصر حاضر میں اسلام کا اطلاق، اسلامی سرگرمیاں، مسلم اور اقلیتی مسائل، پالیسی سازی، فلسفہ ، معاشیات اور صنفی وغیرہ سے متعلق ہیں۔محترم امیر جماعت کئی کتابون کے مصنف ہیں۔

Related posts

مدارس میں ایسے نظام تعلیم کی ضرورت ہے جو وقت کے تقاضوں کو پورا کرے: امیر جماعت اسلامی ہند

Hamari Duniya

BJP membership campaign workshop بی جے پی ممبرشپ مہم 2024 :تیس ہزاری کورٹ میں ممبر شپ مہم ورکشاپ کا انعقاد

Hamari Duniya

زندگی کےلئے کچھ کام ضروری ہے حنا، میں نے لوگوں کو یہ احساس دلا رکھاہے

Hamari Duniya