واشنگٹن،02نومبر:امریکی قومی سلامتی کونسل کے ترجمان جان کربی نے دعویٰ کیا ہے کہ سعودی عرب غزہ جنگ کے بعد بھی اسرائیل کے ساتھ تعلقات معمول پر لانے میں دلچسپی رکھتا ہے۔اپنے ایک بیان میں جان کربی نے کہا ہے کہ سعودی عرب نے یقین دلایا ہے کہ غزہ جنگ کے بعد اسرائیل سے تعلقات معمول پر لانے کے معاہدے میں دلچسپی رکھتا ہے۔دوسری جانب سعودی وزیرِ دفاع خالد بن سلمان کی اعلیٰ امریکی عہدیداروں سے ملاقات ہوئی ہے۔وہائٹ ہاو¿س کے مطابق ملاقات میں اسرائیل حماس جنگ اور غزہ میں انسانی امداد کی رسائی پر بات چیت کی گئی۔اس موقع پر اسرائیل اور فلسطین کے درمیان پائیدار امن کے لیے کام کرنے کی اہمیت پر بھی زور دیا گیا جس پر بات چیت سعودی عرب اور امریکہ کے درمیان پہلے سے جاری ہے۔
واضح رہے کہ سعودی عرب اسرائیل اور فلسطین کے درمیان جاری کئی دنوں سے جنگ کو رکوانے کے لئے مسلسل کوششیں کررہا ہے۔ یہاں تک غزہ میں اسرائیل کے ذریعہ جاری معصوم لوگوں کے قتل عام کی شدید مذمت بھی کی ہے۔سعودی ولی عہد محمد بن سلمان کا کہنا ہے کہ جب تک اسرائیل اور فلسطین کے درمیان مکمل طور پر جنگ بندی نافذ نہیں ہوجاتی اسرائیل سے کسی بھی طرح کی کوئی بات چیت نہیں ہوسکتی۔
