22.8 C
Delhi
February 24, 2024
Hamari Duniya
Breaking News کھیل

سنتوش ٹرافی فٹ بال چمپئن شپ کے فائنل راونڈ میں پہنچا دہلی

گورو راوت کے گول نے سنتوش ٹرافی میں دہلی گروپ-1کو فاتح بنا دیا

نئی دہلی، 31 دسمبر(ہ س)۔
گورو راوت کے گول نے دہلی کو سنتوش ٹرافی کے لیے 76 ویں نیشنل سینئر مینز فٹ بال چمپئن شپ کے فائنل راونڈ میں پہنچا دیا۔ دہلی نے ڈاکٹر امبیڈکر اسٹیڈیم میں کھیلے گئے کرو یا مرو کے میچ میں کرناٹک کو 1-0 سے شکست دے کر گروپ-1 میں سرفہرست ہے۔ دوسری جانب تریپورہ نے لداخ کو 2-1 سے جبکہ گجرات نے اتراکھنڈ کو 3-1 سے شکست دیکر فتح کا مزہ چکھایا۔
ڈاکٹر امبیڈکر اسٹیڈیم میں کھیلے گئے یکطرفہ مقابلے میں میزبانوں کا غلبہ رہا، لیکن کرناٹک کے گول کیپر ستیہ جیت بوردولوئی کے شاندار بچاو نے دہلی کو فیصلہ کن گول کے لیے کافی دیر تک انتظار کیا۔ یہ تعطل 77 ویں منٹ میں ٹوٹ گیا جب گورو راوت نے جے دیپ اور اجے راوت کے درمیان مربوط حملے پر تیز رائٹ فوٹر لگاکر میچ کا واحد گول کیا۔دہلی نے میچ پر غلبہ حاصل کیا۔ ان کی فارورڈ لائن جے دیپ، اجے راوت اور روی راج کو موقع ملے لیکن ہر بار کرناٹک کے گول کیپر ستیہ جیت دیوار بن کر سامنے آئے۔ کرناٹک نے چند مواقع پر حملے کیے، لیکن دہلی کے دفاع نے مضبوط کارکردگی کا مظاہرہ کیا۔
آج کی جیت کے ساتھ دہلی گروپ-1 ٹیبل میں سرفہرست ہے اور فائنل راو¿نڈ کے لیے براہ راست کوالیفائی کر گئی ہے۔ ان کے پانچ میچوں میں چار جیت اور ایک ڈرا کے ساتھ 13 پوائنٹس ہیں۔ کرناٹک جس نے چار جیت حاصل کیں، پہلی شکست کے بعد دوسرے مقام پر کھسک گئی۔ لیکن کرناٹک کے پاس فائنل راو¿نڈ میں جگہ بنانے کا موقع ہے کیونکہ اس کے پاس پانچ میچوں میں چار جیت اور ایک ہار کے ساتھ 12 پوائنٹس ہیں۔ گجرات نے اپنی تیسری جیت کے ساتھ تیسری پوزیشن برقرار رکھی ہے۔ اس کے پانچ میچوں میں تین جیت اور دو ہار کے ساتھ نو پوائنٹس ہیں۔

اس کے ساتھ ہی آج کی شکست کے بعد اتراکھنڈ ٹیبل میں چوتھے نمبر پر برقرار ہے۔ اتراکھنڈ کے پانچ میچوں میں ایک جیت، ایک ڈرا اور تین ہار کے ساتھ چار پوائنٹس ہیں۔ تریپورہ ایک جیت، ایک ڈرا اور تین ہار کے ساتھ پانچ میچوں میں چار پوائنٹس کے ساتھ پانچویں نمبر پر ہے۔ نئی آنے والی ٹیم لداخ سب سے نیچے چھٹے نمبر پر رہی۔ انہوں نے کھیلے گئے اپنے پانچ میچوں میں ایک ڈرا سے ایک پوائنٹ حاصل کیا اور چار ہارے۔دہلی میں ہونے والے پروگرام کے اختتام پر میونسپل کونسلر اور دہلی کے ڈپٹی میئر کے امیدوار آل محمد اقبال اور اے آئی سی سی کے نیشنل میڈیا انچارج عدنان اشرف مہمانوں کے طور پر موجود تھے۔

Related posts

نوابوں کے شہر میں عید نے روایتی حریفوں کو بھی ایک اسٹیج پر کھڑا کردیا

Hamari Duniya

مین پوری میں ڈمپل یادو کی راہ آسان نہیں

Hamari Duniya

معروف سماجی کارکن وتاجرطاہرشیخ کے ہاتھوں الیک زین ڈرا نائٹ والی بال ٹورنامنٹ کا افتتاح 

Hamari Duniya