لکھنو، 17 مئی (قمر خان ایچ ڈی نیوز)۔ صفا پبلک اسکول موہان روڈ ملیح آباد لکھنو، کے زیر اہتمام ووٹ بیداری کے لیے ایک مہم کا انعقاد کیا گیا ہے، اس موقع پر صفا پبلک اسکول کے ڈائریکٹر ارشد خان نے ووٹ بیداری مہم کی شروعات اسکول کے گراؤنڈ سے ہری جھنڈی دکھا کر روانہ کیا اور اس موقع پر بچوں سے روبرو ہو کر کہا کہ بچے اپنے والدین کو ووٹ ڈالنے کے لیے ضرور بات کریں گے اور ان کو ایک ووٹ کی اہمیت کو ضرور بتائیں گے کہ وہ بلا خوف و خطر اپنا ووٹ ڈالیں اپنے ووٹ کی قیمت کو سمجھیں اور اس کا استعمال کریں۔
اس موقع پر اسکول کی پرنسپل ادیبہ خان نے اس بات پر زور دیا کہ ووٹ دینا ہمارا حق ہے جو ہندوستانی ائین نے دیا ہے اور ہمیں اس حق کا بھرپور استعمال کرنا چاہیے اپنے ووٹ کا استعمال کر کے ہم ایک ترقی یافتہ مضبوط قوم کی تعمیر کر سکتے ہیں۔ اور اس موقع پر اسکول کے اساتذہ موجود رہے۔
