36.1 C
Delhi
May 20, 2024
Hamari Duniya
Breaking News قومی خبریں

گاندھی خاندان کے گرد حکومت کا گھیرا تنگ،راجیو گاندھی فاونڈیشن کا لائسنس منسوخ

Gandhi Family

نئی دہلی(ایچ ڈی نیوز)
مرکزی حکومت نے اتوار کو گاندھی خاندان سے وابستہ ایک غیر سرکاری این جی او کے خلاف بڑی کارروائی کی ہے۔ ذرائع کے مطابق وزارت داخلہ نے راجیو گاندھی فاو¿نڈیشن (آرجی ایف) کا لائسنس منسوخ کر دیا ہے۔ وزارت داخلہ نے یہ کارروائی فارن کنٹری بیوشن ایکٹ (ریگولیشن)کے تحت کی ہے۔ تنظیم پر غیر ملکی فنڈنگ ایکٹ کی مبینہ خلاف ورزی کا الزام ہے۔
وزارت داخلہ کے ذرائع کے مطابق جولائی 2020 میں وزارت داخلہ نے وزارت کے اندر ایک کمیٹی تشکیل دی تھی جس کی رپورٹ کی بنیاد پر یہ فیصلہ کیا گیا ہے۔ ذرائع کا کہنا ہے کہ لائسنس منسوخ کرنے کا نوٹس راجیو گاندھی فاو¿نڈیشن کے عہدیدار کو بھیجا گیا ہے۔
بتا دیں کہ کانگریس کی سابق صدر سونیا گاندھی آر جی ایف کی صدر ہیں۔ جبکہ دیگر ٹرسٹیوں میں سابق وزیر اعظم منموہن سنگھ ، سابق وزرائے خزانہ پی چدمبرم اور راہل گاندھی اور پرینکا گاندھی واڈرا شامل ہیں۔ آر جی ایف کی ویب سائٹ کے مطابق یہ تنظیم 1991 میں قائم ہوئی تھی۔
واضح رہے کہ راجیو گاندھی فاو¿نڈیشن (آرجی ایف) کا قیام سابق وزیراعظم راجیو گاندھی کے ویژن کو پورا کرنے کے لئے سال1991میں کیا گیا تھا۔ فاو¿نڈیشن کی آفیشیل ویب سائٹ آرجی ایف انڈیا ڈاٹ او آر جی پرصحت، ، خواندگی ، صحت ، سائنس اور ٹیکنالوجی ، خواتین اور بچوں کی ترقی ، معذوروں کی مدد ، سمیت کئی پہلوو¿ں میں اپنا حصہ ڈالا ہے۔ پنچایتی راج اداروں ، قدرتی وسائل کے انتظام اور لائبریریوں سمیت کئی مسائل پر کام کیاہے۔

Related posts

پاکستان انتخابات 2024 میں بڑے بڑے درخت اکھڑ گئے

Hamari Duniya

سندھیا کے گڑھ میں گرجیں گی پرینکا،تیاریوں میں مصروف ہے کانگریس

Hamari Duniya

ایم سی ڈی ایلیکشن میں دہلی وقف بورڈ کے ائمہ کی تنخواہوں کی عدم ادائیگی ’آپ‘ کے گلے کی ہڈی بن گئی

Hamari Duniya