نئی دہلی، 02 فروری (ایچ ڈی نیوز)۔
ریزرو بینک آف انڈیا (آر بی آئی) نے ملک کے بینکوں سے اڈانی گروپ میں ان کے رابطوں کے بارے میں معلومات مانگی ہے۔ آر بی آئی نے گھریلو بینکوں سے کہا ہے کہ وہ اڈانی گروپ کو اپنی سرمایہ کاری اور قرض کے بارے میں معلومات فراہم کریں۔ ریزرو بینک نے یہ قدم اڈانی گروپ کے شیئرز میں جاری اتار چڑھاو کے بعد اٹھایا ہے۔
بینکنگ سیکٹر کے ذرائع نے جمعرات کو بتایا کہ آر بی آئی نے گھریلو بینکوں سے اڈانی گروپ میں ان کی سرمایہ کاری اور قرضوں کے بارے میں معلومات طلب کی ہیں۔ تاہم، رات دیر گئے، اڈانی انٹرپرائزز، مکمل طور پر سبسکرائب ہونے کے باوجود، اپنی 20,000 کروڑ روپے کی فالو آن پبلک آفرنگ (ایف پی او) اور سرمایہ کاروں کے پیسے کی واپسی کا اعلان کیا۔ گوتم اڈانی نے ایک بیان میں کہا کہ مارکیٹ میں جاری اتار چڑھاو¿ کے پیش نظر گروپ کے بورڈ آف ڈائریکٹرز نے ایف پی او کو واپس لینے کا فیصلہ کیا ہے۔
قابل ذکر ہے کہ امریکی تحقیقی کمپنی ہنڈنبرگ کی رپورٹ منظر عام پر آنے کے بعد سے اڈانی گروپ کی کمپنیوں کے شیئرز میں 90 بلین ڈالر سے زیادہ کی کمی واقع ہوئی ہے۔ اس کے بعد، گروپ نے اڈانی انٹرپرائزز کے 20,000 کروڑ روپے کے ایف پی او کو واپس لینے کا فیصلہ کیا ہے۔ کمپنی کا اسٹاک 1,724.50 روپے پر ٹریڈ کر رہا ہے، بی ایس ای پر 19.24 فیصد نیچے اور این ایس ای پر 18.93 فیصد نیچے 1,731.15 روپے پر۔
