36.1 C
Delhi
May 21, 2024
Hamari Duniya
Breaking News قومی خبریں

بھارت جوڑو یاترا ملک میں خاموش انقلاب،راہل گاندھی نے یہ کام کرکے ایک بار پھر لوگوں کا دل جیت لیا

Rahul Gandhi Bharat Jodo Yatra

حیدرآباد(ایچ ڈی نیوز)۔
بھارت جوڑو یاترا کی مقبولیت دن بدن بڑھتی جارہی ہے۔ مین اسٹریم میڈیا کے بائیکاٹ کے باوجود بھی لوگ کافی بڑی تعداد میں راہل گاندھی کی بھارت جوڑو یاترا میں شامل ہورہے ہیں۔ آل انڈیا کانگریس کمیٹی کے نومنتخب صدر ملکارجن کھڑگے نے راہل گاندھی کی بھارت جوڑو یاترا میں شامل افراد کے جذبہ کی بھرپور ستائش کی۔ کھڑگے نے بوئن پلی میں راہل گاندھی کیمپ میں شامل افراد سے ملاقات کی اور ان سے یاترا کے تجربات پرتبادلہ خیال کیا۔

Rahul Gandhi Bharat Jodo Yatra Telangana
Rahul Gandhi Bharat Jodo Yatra Telangana

انہوں نے کنیا کماری سے یاترامیں شامل کانگریس قائدین اور این جی اوز کے نمائندوں سے مختصر خطاب کیا۔ ٹوئٹرپرملاقات کی تصاویرکوشیئر کرتے ہوئے ملکارجن کھڑگے نے کہا کہ راہل گاندھی کے ساتھ یہ ٹیم 3500 کلومیٹرپیدل چلے گی اور ان کا جذبہ پارٹی کیڈر کیلئے حوصلہ کا باعث ہے۔ انہوں نے کہا کہ بھارت جوڑو یاترا ایک خاموش انقلاب کا آغاز ہے جو ملک میں سیاسی منظر کو تبدیل کردے گا۔
دوسری جانب کانگریس قائد راہل گاندھی نے آج انسانی ہمدردی کا غیر معمولی مظاہرہ کرتے ہوئے بھارتے جوڑو یاترا میں ضعیف خاتون کے اچانک گرپڑنے پر اسے فوری طبی امداد فراہم کی۔ یاترا کے 8 ویں دن آج صبح بالا نگر کوکٹ پلی سے یاترا پٹن چیرو تک پہنچی۔ راستہ میں ایک مقام پر خواتین کی کثیر تعداد راہل گاندھی سے ملاقات کی منتظر تھی۔ راہل جیسے ہی خواتین سے ملاقات کیلئے آگے بڑھے، ہلکی بھگدڑ میں ایک ضعیف خاتون گر پڑی۔ راہل گاندھی فوری سیکوریٹی کا حصار توڑ کر اس خاتون کے پاس پہنچے اور اسے پانی پلایا۔ انہوں نے خاتون کے پیر پر پٹی باندھنے کا انتظام کیا۔ راہل گاندھی نے اس ضعیف خاتون کو گلے سے لگالیا اور ان کی دعائیں حاصل کیں۔

Rahul Gandhi Bharat Jodo Yatra Telangana
Rahul Gandhi Bharat Jodo Yatra Telangana

راہل گاندھی کے اس جذبہ انسانی کو دیکھ کر ضعیف خاتون بے حد متاثر ہوئیں اور وہاں موجود دیگر خواتین نے بھی راہل گاندھی کو سراہا۔ کچھ دیر تک راہل گاندھی اس خاتون کے ساتھ رہے اور پھر یاترا آگے بڑھ گئی۔ بھارت جوڑو یاترا کے دوران کئی افراد کے راستہ میں زخمی ہونے کی اطلاعات ہیں اور راہل گاندھی نے ان تمام زخمیوں کی شخصی طور پر مزاج پرسی بھی کی۔ یہاں یہ تذکرہ بیجا نہ ہوگا کہ کرناٹک میں بھی بھارت جوڑو یاترا کے دوران حادثہ پیش آیا تھا۔ اس وقت بھی راہل گاندھی ہاسپٹل پہنچ کر زخمیوں کی عیادت کی تھی۔

Related posts

کرسمس کے دو دنوں بعد چرچ میں توڑ پھوڑ

Hamari Duniya

لکھنؤ میں امن وانصاف کانفرنس منعقد اور بحسن وخوبی اختتام پذیر، مختلف مذاہب کے رہنماؤں کی سرگرم شرکت

Hamari Duniya

ایران کا پڑوسی مسلم ملک بن گیا اسرائیل کادوست،اسرائیل میں سفارتخانہ بھی کھل گیا

Hamari Duniya