شیو پوری ، 4 مارچ (ایچ ڈی نیوز) ۔
کانگریس لیڈر اور ایم پی راہل گاندھی کی بھارت جوڑو نیائے یاترا پیر کو شیو پوری پہنچی۔ اس دوران راہل گاندھی کا روڈ شو ہوا اور اس کے بعد شہر کے مادھو چوک چوراہے پر ایک میٹنگ ہوئی۔ راہل گاندھی نے کار میں ہی بیٹھ کر جلسہ سے خطاب کیا۔
وزیر اعظم نریندر مودی کی پالیسیوں کو نشانہ بناتے ہوئے راہل گاندھی نے کہا ہے کہ مرکز کی مودی حکومت نے منریگا کا بجٹ روک دیا ہے۔ جب کہ منریگا بجٹ سے عام لوگوں اور گاوں والوں کو روزگار ملتا ہے۔ انہوں نے کہا کہ ملک میں جان بوجھ کر مردم شماری نہیں کرائی جا رہی۔ میں ہمیشہ کہتا ہوں کہ ذات پات کی مردم شماری کرائی جائے تاکہ پسماندہ طبقے ، ایس سی ، ایس ٹی اور قبائلی لوگوں کی تعداد واضح طور پر سامنے آسکے لیکن مرکزی حکومت اس پر کچھ نہیں کہہ رہی ہے۔ راہل گاندھی نے کہا کہ ملک میں تین بڑے مسائل ہیں بے روزگاری ، مہنگائی اور بدعنوانی لیکن ان تینوں مسائل کو نظر انداز کر دیا گیا ہے۔
