دوحہ،09مارچ۔ قطر کی جانب سے مطالبہ کیا گیا ہے کہ اسرائیل کی تمام جوہری تنصیبات کو نگرانی میں لایا جائے۔بین الاقوامی میڈیا کے مطابق ویانا میں آئی اے ای اے اجلاس میں قطری سفیر جاسم یعقوب الحمادی نے مطالبہ کیا ہے کہ یو این قراردادوں کے تحت اسرائیل کی جوہری تنصیبات آئی اے ای اے کی زیرِ نگرانی لائی جائیں۔ قطری سفیر نے اسرائیل کو جوہری عدم پھیلاومعاہدے میں بطور غیر جوہری ریاست شامل کرنےکی اپیل کی ہے۔
میڈیا رپورٹس کے مطابق اسرائیل نے جوہری ہتھیار رکھنے کا کبھی اعتراف نہیں کیا تاہم بتایا جاتا ہے کہ اسرائیل کے پاس تقریباً 90 جوہری ہتھیار موجود ہیں۔ واضح رہے کہ اسرائیل کی جانب سے فلسطین اور لبنان میں معصوم شہریوں کے قتل عام نے دنیا بھر میں تشویش کی لہر دوڑا دی ہے۔
