لاہور،19مارچ(ایچ ڈی نیوز)۔
لاہور قلندرس نے مسلسل دوسری مرتبہ پاکستان سپر لیگ (پی ایس ایل) کا خطاب جیت لیا ہے۔ ہفتہ(18مارچ) کو قذافی اسٹیڈیم میں کھیلے گئے فائنل مقابلے میں لاہور نے ملتان سلطان کو ایک رن سے شکست دے دی۔ لاہور کی جیت کے ہیرو کپتان شاہین شاہ آفریدی رہے۔جنہوں نے پہلے بلے سے (44رن)تباہی مچائی اور پھر گیند بازی میں بھی کمال کرتے ہوئے چار وکٹ چٹکائے۔ لاہور نے گزشتہ مرتبہ پھی ملتان کو ہی شکست دے کر ٹرافی پر قبضہ کیا تھا۔ شاہین آفریدی پلیئر آف دی میچ اور احسان پلیئر آف دی سیریز چنے گئے۔
لاہور قلندرز کی جانب سے دیے گئے 201 رنز کے ہدف کے تعاقب میں ملتان سلطانز کے اوپنرز محمد رضوان اور عثمان خان نے برق رفتار آغاز کیا لیکن 41 کے مجموعے پر عثمان خان ڈیوڈ ویسا کی گیند پر بولڈ ہوگئے۔ محمد رضوان کا ساتھ نبھانے کے لیے رائیلی روسو آئے، انہوں نے 57 رنز کی شاندار اننگز کھیلی اور کپتان کے ہمراہ 64 رنز کی پارٹنرشپ بنائی۔ روسو کو راشد نے 105 کے مجموعے پر بولڈ کیا، جس کے بعد 122 کے مجموعے پر محمد رضوان بھی راشد کی گیند پر کیچ آو¿ٹ ہوگئے۔ لاہور کے کپتان شاہین آفریدی نے اننگز کے آغاز میں رنز دینے کے بعد اختتامی لمحات میں شاندار کم بیک کیا اور 146 کے مجموعے پر کیرون پولارڈ اور پھر جارح مزاج بلے باز ٹم ڈیوڈ کو 160 بھی میدان بدر کردیا۔
آخری لمحات میں خوشدل شاہ نے 25 اور عباس آفریدی نے 17 رنز کی برق رفتار اننگز کھیلی لیکن ٹیم کو فتح سے ہمکنار نہ کر سکے۔ قلندرز کے شاہین آفریدی نے 4 وکٹیں لیں، راشد خان نے دو کھلاڑیوں کو آو¿ٹ کیا جبکہ ڈیوڈ ویسا کے حصے میں ایک وکٹ آئی۔
لاہور کے قذافی اسٹیڈیم میں کھیلے گئے اس فائنل مقابلے میں لاہور قلندرز نے ٹاس جیت کر پہلے بیٹنگ کرنے کا فیصلہ کیا۔ لاہور قلندرز نے فائنل میں اپنی بیٹنگ کا آغاز محتاط انداز میں کیا، لیکن پہلا نقصان میں 38 کے مجموعے پر اٹھانا پڑا جب 30 رنز بنا کر مرزا طاہر بیگ آو¿ٹ ہوئے۔ دوسری وکٹ کےلیے فخر زمان اور عبداللّٰہ شفیق کے درمیان 57 رنز کی پارٹنرشپ بنی لیکن اس کے بعد 95 کے اسکور پر فخر زمان کو اسامہ شیفق نے کیچ آو¿ٹ کروایا۔ ٹیم کا اسکور 111 پر پہنچا تو اسامہ میر کی گھومتی گیندوں کے سامنے سیم بلنگز بولڈ ہوئے اور اگلی ہی گیند پر احسان حفیظ ایل بی ڈبلیو ہوگئے۔ صرف ایک رن کے اضافے کے بعد سکندر رضا 112 پر صرف ایک رنز بنا کر خوشدل کی گیند پر بولڈ ہوگئے۔قلندرز کے 15ویں اوور میں آدھی ٹیم کے آو¿ٹ ہونے کے بعد کپتان شاہین آفریدی اور عبداللّٰہ شفیق نے دھواں دار بیٹنگ کی بدولت ٹیم کا اسکور پلکتے جھپکتے 200 تک پہنچا دیا۔ عبداللّٰہ شفیق نے 40 گیندوں پر 65 رنز کی اننگز کھیلی جبکہ شاہین آفریدی 15 گیندوں پر 44 رنز کے ساتھ ناقابلِ شکست رہے۔ملتان سلطانز کی جانب سے اسامہ میر 3 وکٹیں لے کر نمایاں رہے جبکہ انور علی، احسان اللّٰہ اور خوشدل شاہ نے ایک ایک کھلاڑی کو آو¿ٹ کیا۔
ایوارڈز:
بہترین آل راو¿نڈ پرفارمنس پر شاہین شاہ ا?فریدی کو میچ کا بہترین کھلاڑی قرار دیا گیا۔
ملتان سلطانز کے احسان اللّٰہ کو ٹورنامنٹ کا بہترین کھلاڑی قرار دیا گیا۔
ملتان سلطانز کے عباس ا?فریدی کو ٹورنامنٹ کا بہترین بولر کا ایوارڈ دیا گیا۔
ملتان سلطانز کے کپتان محمد رضوان 550 رنز بناکر ٹورنامنٹ کے بہترین بیٹر قرار پائے۔
فخر زمان ٹورنامنٹ میں سب سے زیادہ چھکے لگانے والے بیٹر قرار پائے۔
ملتان سلطانز کے کیرون پولارڈ کو ٹورنامنٹ کا بہترین فیلڈر قرار دیا گیا۔
سلطانز کے کپتان محمد رضوان کو ٹورنامنٹ کا بہترین کیپر بھی قرار دیا گیا۔
کراچی کنگز کے عماد وسیم کو ٹورنامنٹ کا بہترین آل راو¿نڈر قرار دیا گیا۔
ٹورنامنٹ کے بہترین ایمرجنگ پلیئر کا ایوارڈ عباس ا?فریدی کو ملا۔
