22.9 C
Delhi
February 9, 2025
Hamari Duniya
فلمی دنیا

پرینکا چوپڑا نے بالی ووڈ اور ہالی ووڈ میں کام کرنے کے تجربے کے درمیان فرق کو واضح کردیا

Max Factor

نئی دہلی: پرینکا چوپڑا طویل عرصے بعد گزشتہ ہفتے ہندوستان واپس آئیں۔ امریکہ میں مقیم اداکارہ نے ممبئی میں اپنے نئے برانڈ ’میکس فیکٹر‘ کی لانچنگ تقریب میں شرکت کی۔فوربز انڈیا کے ساتھ ایک انٹرویو میں خوبرو اداکارہ نے بالی ووڈ اور امریکی فلم نگریوں میں کام کرنے کے تجربے کے درمیان فرق کے بارے میں بات کی۔انٹرویو میں جب پرینکا سے پوچھا گیا کہ وہ بالی ووڈ اور ہالی ووڈ میں کام کرنے کے تجربے کا موازنہ کیسے کریں گی؟ تو انہوں نے جواب دیا، ”میرا خیال ہے کہ ہر ملک عمومی طور پر مختلف ہوتا ہے۔ ہر جگہ اپنے ثقافتی طریقے ہوتے ہیں جنہیں ہم پسند کرتے ہیں اور جس طرح ہم کام کرتے ہیں۔“
انہوں نے اپنی بات کو آگے بڑھاتے ہوئے کہا، ”ایک بڑا فرق جو میں نے ہالی ووڈ اور بالی ووڈ کے درمیان دیکھا وہ یہ ہے کہ ہالی ووڈ میں بہت زیادہ دستاویزی کام ہوتا ہے۔ ایک دن میں آپ کو 100 ای میلز موصول ہوں گی۔ وقت کا تعین بہت سختی سے کیا جاتا ہے۔“انہوں نے مزید کہا، ”ہمارے یہاں بہت زیادہ ’جگاڑ‘ ہوتا ہے اور کام کر لیتے ہیں۔ ہم کچھ زیادہ رومانٹک ہوتے ہیں جیسے کہ ’ارے ہو جائے گا‘، ’کر لیں گے‘، لہٰذا کام کرنے کا طریقہ کافی مختلف ہوتا ہے لیکن یہ ہر ملک کی خصوصیات کا بھی حصہ ہے۔“انکا کہنا تھا کہ ”میرا خیال ہے کہ ہماری تخلیق بعض اوقات بہت زیادہ قدرتی ہو سکتی ہے۔ یہ وہ بڑا فرق ہے جو میں نے دیکھا ہے ورنہ دنیا بھر میں فلم سازی ایک ہی زبان بولتی ہے۔“

Related posts

اگلے سال عید پرسلمان خان بنیں گے ’کسی کا بھائی کسی کی جان‘

Hamari Duniya

دھرمیندر کو سنی دیول کے ساتھ چھٹیاں گزارتے ہوئے دیکھا گیا۔

Hamari Duniya News

عامر خان اور نانا پاٹیکر کا دیسی اوتار وائرل

Hamari Duniya