کاٹھمنڈو، 22 مارچ (ایچ ڈی نیوز)۔
پرچنڈ حکومت نیپال میں میڈیا کو کنٹرول کرنے کی اپنی ہدایت پر دو گھنٹے تک بھی قائم نہیں رہ سکی۔ ملک گیر پیمانے پر اس کی مخالفت ہونے کے بعد حکومت کو اپنی اس ہدایت کو واپس لینا پڑا۔
وزارت داخلہ نے جمعرات کی دو پہر کو ملک کے تمام 77 اضلاع کے ضلع مجسٹریٹس کو میڈیا، صحافیوں اور سوشل میڈیا کی خصوصی نگرانی کے لیے ایک علیحدہ ڈیسک قائم کرنے کے لیے 15 صفحات پر مشتمل ہدایت جاری کی تھی۔جس میں کہا گیا کہ اگر کسی اخبار، ریڈیو، ٹی وی چینل یا مختلف سوشل میڈیا پلیٹ فارمز پر قواعد کے خلاف کوئی چیز شائع یا نشر ہوتی ہے تو فوری گرفتاری اور قانونی کارروائی کی جائے۔ وزارت داخلہ کے اس ہدایت نامے کی کاپی میڈیا میں لیک ہوتے ہی اس کی تنقید شروع ہوگئی۔
میڈیا نے وزیر اعظم پرچنڈ اور وزیر داخلہ روی لامیچھانے پر شدید تنقید کی۔ نیپال جرنلسٹ فیڈریشن سمیت کئی تنظیموں نے اس اقدام کی مخالفت کی۔ اسے اظہار رائے کے حق پر حملہ قرار دیا۔ ملک گیر احتجاج کے بعد وزارت داخلہ نے اپنی ہدایت واپس لے لی۔
