اسلام آباد،23 جنوری ۔
بجلی کا بڑا بریک ڈاؤن ہونے کی وجہ سے پاکستان کے مختلف علاقوں میں بجلی کی فراہمی معطل ہوگئی ہے اور پورا پاکستان اندھیرے میں ڈوب گیا ہے۔
رپورٹ کے مطابق نیشنل پاور کنٹرول کے مطابق، اس وقت سسٹم مکمل طور پر بند ہے، مین لائینوں میں فالٹ کی وجہ سے پورا سسٹم بیٹھ گیا ہے۔ذرائع کا کہنا ہے کہ ابھی بجلی کے بریک ڈاون کی وجہ جاننے کی کوشش کی جارہی ہے، بحالی میں کئی گھنٹے لگ سکتے ہیں۔
پاکستان کے وزارت توانائی کا کہنا ہے کہ وارسک سےگرڈ اسٹیشنز کی بحالی کا آغاز کردیا گیا ہے۔پاورڈویژن کا کہنا ہے کہ اسلام آباد اور پشاورسپلائی کمپنیز کےمحدود علاقوں میں گرڈ بحال کردیےگئے۔
پاکستان کے دارالحکومت اسلام آباد ، پنجاب، صوبہ سندھ ، بلوچستان ، صوبہ خیبر پختونخوا میں بجلی کی فراہمی معطل ہوگئی ہے۔ جس کے بحالی میں کئی گھنٹے لگنے کے امکان ہیں
