12.1 C
Delhi
February 23, 2024
Hamari Duniya
Uncategorized

بہار میں پولیس کو کھلا چیلنج، ایس بی آئی بینک میں 10 لاکھ کی لوٹ

بتیا ، 07 دسمبر (ایچ ڈی نیوز)۔ بتیا پولیس ضلع کے بیریا تھانہ علاقہ کے سنت گھاٹ پتجیروا روڈ میں تقریباً نصف درجن مسلح مجرموں نے دن دہاڑے تقریباً 11 بجے اسٹیٹ بینک آف انڈیا مالہی برانچ پر حملہ کر دیا اور 10 لاکھ سے زیادہ کی لوٹ کرکے پولیس کو کھلا چیلنج کیاہے ۔
آج صبح 10.30 بجے بیریا تھانہ علاقہ کے سنت گھاٹ پتجیروا روڈ پر واقع اسٹیٹ بینک آف انڈیا بتیا نے اپنے مقررہ وقت پر صارفین کی خدمت کے لیے بینک کھولا۔ کھلنے کے تقریباً ایک گھنٹے کے بعد گیارہ بجے اچانک نصف درجن مسلح مجرم دونوں ہاتھوں میں پستول/ریوالور لئے اندر داخل ہوئے۔ داخلے کے ساتھ ہی سب سے پہلے بینک کے ملازمین اور وہاں موجود صارفین کے ساتھ ساتھ سی سی ٹی وی کو نقصان پہنچایا۔ اس کے بعد بینک کے منیجر یوگیندر پرساد چودھری ، اکاؤنٹنٹ ، کیشیئر اور سبھی کو گن پوائنٹ پر لے کر کیش بیگ بھرنے کو کہا گیا۔ جس پر اعتراض کرنے پر انہوں نے برانچ منیجر ، اکاؤنٹنٹ اور خاتون کیشئر کو مارنا شروع کر دیا ۔ اسی دوران احتجاج کرنے پر ایک صارف کی پٹائی کی گئی ۔ جب انہیں گولی مارنے کی دھمکی دی گئی تو بینک اہلکار انہیں کاؤنٹر اور اسٹرانگ روم میں لے گئے اور مجرموں نے تقریباً 10 سے 12 لاکھ روپے بیگ میں بھر لیے۔ تھیلا بھرنے کے بعد مجرم بینک کے اندر سے باہر گئے اور خوف و ہراس پھیلانے کے لیے دو سے تین راؤنڈ فائرنگ کی۔ فائرنگ کرتے ہوئے مجرم ایک موٹر سائیکل پر متھولی پوجاہن پتجیروا ، سری نگر کی طرف فرار ہوگئے۔
واقعہ کے بعد پولیس کو اطلاع دی گئی، اس کے بعد کالی باغ او پی ، بیریا تھانہ ، نگر تھانہ ، نوتن تھانہ، ڈائل 112 گاڑی کے ساتھ سب ڈویزن پولیس افسر صدر فورس کے ساتھ پہنچ گئے اور واقعہ کی تحقیقات اور پوچھ گچھ شروع کی۔ اس دوران یہ بات سامنے آئی کہ مجرم تقریباً 15 سے 20 منٹ تک بینک کو لوٹتے رہے اور باہر کسی کو کوئی سراغ تک نہیں ملا۔ پولیس نے بینک کے اندر اور باہر سے دو کارتوس بھی برآمد کیے ہیں۔
بتیا ایس پی اوپیندرناتھ ورما نے بینک کے کیبن میں برانچ منیجر اور بینک کے دیگر ملازمین سے بھی پوچھ گچھ کی۔ انکوائری کے بعد پولیس سپرنٹنڈنٹ نے بینک کے اسٹرانگ روم اور دیگر جگہوں کا معائنہ کیا۔
صحافیوں کو بتایا کہ 6 مجرم بینک کے اندر گئے تھے اور ہو سکتا ہے باہر بھی ہو ، جن کی تحقیقات کی جا رہی ہیں۔ خبر لکھے جانے تک بینک منیجر نے 10 لاکھ کی لوٹ کا اندازہ لگایا ہے۔

Related posts

عالمہ ڈاکٹر نوہیرا شیخ نے چھیڑی انوکھی مہم،ملک سے پینے کے پانی کی قلت کریں گی دور

Hamari Duniya

معروف ادارہ ’دی نیوکالج‘ تعلیمی اور تحقیقی سرگرمیوں میں اول، این اے اے سی کی طرف سے ملا اے پلس پلس گریڈ

Hamari Duniya

بہار اسمبلی اجلاس کے آخری دن بھی اپوزیشن کا زبردست ہنگامہ

Hamari Duniya